Ro 8:26 - Chuj San Sebastian Bible

²⁶ An̈jtona Yespíritu Dios, caw tz'och quet'ec, 'a 'aj man̈ tz'acnoc qui nab'en. Yujto man̈ cojcoquec tas tzcutjec qui leslwi 'icha tznib'j Dios. 'Ay 'aj ton̈j tzlaj jaw si'snoc qui c'ojlec, yujto matz nachj 'el cujec, tas tzcutjec caln qui b'a 'a Dios. Yuj cha, ax Yespíritu Dios, a tzleslwi cujec.

Chuj San Mateo Bible

²⁶ An̈ejtona' tz'och Yespíritu Dios qued'oc ayic man̈ tz'acanoc co pensar. Yujto man̈ cojtacoc chajtil scutej co lesalvi icha sgana Dios. Ay b'aj ton̈ej tzon̈ c'acvi yujto max nachaj cuuj tas scutej calan co b'a d'a Dios chi'. Yuj chi', a Yespíritu Dios slesalvi cuuj.

Ro 8:26 ပူးပေါင်းရင်းမြစ်များ

Job 37:19

Al 'ayn̈ ticnec tas wach' caln 'a Dios, yujto 'icha scal q'uic'q'uinl 'ayn̈ ticnec, man̈xtzac nachji tas tzcala.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Salmos 102:20

Ach tza b'oyaj scusc'ojlal eb' 'icha preso yaji. Tzwul a coln 'el eb' 'ayx 'och chaml 'a yib'an̈,

Salmos 102:5

Tox 'ix tacj 'och in tz'umal 'a spatq'uil in b'aquil, yujto til wal yel waw woq'ui.

Salmos 6:3

Caw 'ayn 'och 'a somc'ojlal. Ach xo Mamin, ¿b'a'n̈ tzwul in a colo'?

Salmos 6:9

Tox 'ix yab' in tew 'a 'a, 'ix schaj yab' in lesal.

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Lm 3:56

Caw in tew 'ayach yic tzin a colni. 'Ix ab' tas xin c'ana.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Mt 10:20

Man̈oc ex 'oj e paxtini, yujto a Yespíritu qui Mam 'oj majnanc e ti', ax eyalni.

Mt 20:22

Yuj cha, 'ix yaln 'ixtc 'a ewin schawn̈il: —Palta matz nachj 'el eyu'uj, tas tze c'an 'ayin. ¿'Ojm techjoc eyu'uj yic 'oj eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'. —'Oj techjoc, xchi eb' 'a 'a.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Jn 14:16

An tic, 'oj in c'an 'a qui Mam Dios, ax 'oj checnc cot junx 'oj colwjoc eyet'oc, atn Yespíritu caw yel. A 'oj can eyet' 'a jun 'ejmn̈ej.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

Ro 7:24

Caw 'oltac tzin 'aj yu'uj. A jun in niwnal tic, a tzin 'i'n 'at 'a chaml 'a jun 'ejmn̈ej. Palta ¿mach tztac' in scoln 'el 'a yol sc'ab' jun in niwnal tic?

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

2 Co 5:2

Yel toni, a yic 'ayn̈ect 'ec' 'a jun qui niwnal tic, tzon̈ c'acwec, yujto tzqui nib'jec tz'ajx junx yic satchan̈ chi 'ayn̈ec.

2 Co 5:4

A yic 'ayn̈ect 'ec' yet' jun qui niwnalec tic, tzon̈ c'acwec cab'n syail. Man̈toc ton̈j tzqui nib'jec tz'ijx 'ec' jun qui niwnalec tic. Palta tzqui nib'jec to tz'ajx junx qui niwnalec, sec 'oj satl jun yic chaml yaj tic, yic 'oj qui chac qui q'uinl 'a jun 'ejmn̈ej.

Gl 4:6

A Dios, ya'jnac cot Yespíritu Yunnal 'a qui pixn junjn on̈ec, sec chequel, to yunnaln̈ec xo. Ax Yespíritu cha, a yic tz'awji: Mamin, Mamin, xchi.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

Santiago 4:3

Wach'xam tze c'ana, palta matz 'ajx 'ayex, yujto maysch'olnil tzeyutj e nab'en yic tze c'anni. Enani to 'oj 'ajxoc 'ayex, yic tze lajn 'a spatc jun tzo'n̈ maysch'olnil tze nib'j 'ochi.