Ro 8:22 - Chuj San Sebastian Bible

²² Cojquec, a 'a yictax pecti', smasnil jun tzo'n̈ tas b'ob'il can yuj Dios, 'aycn 'och 'a syailal. 'Icha junc 'ix caw tzyab' syal yalj yune', 'ixta tz'aj jun tzo'n̈ chi yab'n syal ticnec.

Chuj San Mateo Bible

²² Cojtac to atax d'a peca', masanil juntzan̈ tas b'ob'ilcan yuj Dios aycanoch d'a syaelal. Icha junoc ix ix tz'ab'an syail, ayic tz'alji yune', icha chi' yaj juntzan̈ chi' yab'an syail ticnaic.

Ro 8:22 ပူးပေါင်းရင်းမြစ်များ

Salmos 48:6

'Ix 'och eb' 'a xiwc'ojlal, xlaj somchjc chan̈ eb'. 'Icha tz'aj junc 'ix yab'n syail yic tz'alj yune', 'ixta x'aj eb' yab'n syail.

Jeremías 12:11

Cusltac x'ajcn in chon̈b' yuj eb', caw wal tzcus tzwila. Smasnil jun nacion̈ tic, cusltac x'ajcni, man̈x 'a mach tznan jab'oc.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Lv 26:35

A yic 'aycn lum sch'ocj cha, 'oj 'iljoc lu'um, yujto a yic 'ayx 'ec' 'a sat lu'um, may xon lum tz'ilj eyu'uj.

Mr 16:15

Xlajw cha, xyaln 'a eb' 'ixtic: 'Ixquec 'a smasnil yolyib'n̈q'uinl tic, alc 'el wach' 'ab'x yic colnb'il 'a scal smasnil 'anma'.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

Apoc 12:2

'Ayx tz'i'n 'ix, 'ayx cot spenail yune 'ix. Caw tz'el yaw, yujto tznib'j 'ix scol sb'a.