Ro 8:15 - Chuj San Sebastian Bible

¹⁵ Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Chuj San Mateo Bible

¹⁵ A jun Espíritu chab'ilxo cuuj, max on̈ yac'och cac' servil Dios d'a xivc'olal, palta A' tzon̈ ac'anoch yuninaloc Dios. Yuj Yespíritu chi', ayic tzon̈ avaj d'a Dios: Mamin, xco chi d'ay.

Ro 8:15 ပူးပေါင်းရင်းမြစ်များ

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Is 56:5

toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Nm 17:12

Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.

Mt 25:25

Yuj cha, in xiw o'oj, xin mucn can 'ejm q'uen a tumn tic 'a yol lu'um, yaj q'uen a tumn tic smasnil, xchi winac.

Mr 14:36

'Ix yaln 'ixtic: Mamin, smasnil tas tztac' o'oj. 'Ij 'ec' jun yailal tic 'a wib'an̈. Palta man̈ 'ichaoc tzin nib'j an tic, 'icha cab' tza nib'ej, xchi.

Lc 11:2

Yuj cha, xyaln Jesús 'ixtc 'a eb': —A yic tzex leslwi, 'ixtc tzeyutj eyalni: Ach qui Mam, 'aych 'ec' 'a satcha'an̈, niwn yel'ch cab' a b'i. 'Ochc ach cab' Yajlil 'a tic, [b'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.]

Lc 22:42

'Ix yaln 'ixtic: —Mamin, toto tz'el 'a a c'ojol, tzej 'ec' jun yailal tic 'a wib'an̈, palta man̈oc 'icha tzin nib'ej, a cab' wal 'icha tza nib'ej, xchi.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

Jn 16:8

A yic 'oj jawoc, 'oj yac' yojcoc 'el eb' yic yolyib'n̈q'uinl tic to 'ay smul eb'. 'Oj yac' yojcoc 'el eb' chajtlto wach'n̈j xwutj in b'a. 'Oj yac' yojcoc pax 'el eb', to 'oj b'eyc'ojlaxc eb' yuj Dios.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

A Tas Sc'ulejnac Eb' Schecab' Jesús Hechos 16:29

Yuj cha, 'ix sc'ann cot win staj. 'Ix 'ochch win 'a 'aj 'ay eb' cha. Caw x'ib'x chan̈ win yuj xiwlal. 'Ix 'em cumn win 'a yojltac Pablo yet' Silas.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

Ro 8:16

Cojc junjn on̈ 'a qui pixan, to yel yunnaln̈ec xo Dios. An̈jtona', tzyaln pax Yespíritu 'ayn̈ec.

Ro 8:23

Man̈ cojnoc jun tzo'n̈ chi wan yab'n syail. An̈jtona', 'ixta tzon̈ 'ajc jun xo. 'Ayx 'och Yespíritu Dios 'ayn̈ec, sec chequel, to 'ayt tas 'oj yac' Dios 'ayn̈ec. Wach'xam 'ixta', palta wan cab'nec syal ticnec. Wan qui tan̈wniec b'a'n̈ 'oj qui wach' 'ochc yunnalc Dios. Ata 'oj wach' colchjoc 'el qui niwnalec tic.

Ro 8:26

An̈jtona Yespíritu Dios, caw tz'och quet'ec, 'a 'aj man̈ tz'acnoc qui nab'en. Yujto man̈ cojcoquec tas tzcutjec qui leslwi 'icha tznib'j Dios. 'Ay 'aj ton̈j tzlaj jaw si'snoc qui c'ojlec, yujto matz nachj 'el cujec, tas tzcutjec caln qui b'a 'a Dios. Yuj cha, ax Yespíritu Dios, a tzleslwi cujec.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

1 Co 2:12

An̈ec tic, man̈oc junc espíritu yic yolyib'n̈q'uinl tic chab'il cujec. Palta a jun Espíritu cotnc 'a Dios, a chab'il cujec. Yuj cha, tznachj 'el cujec, tas jun tzo'n̈ tzyac' Dios 'ayn̈ec yuj swach'c'ojlal.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.

Gl 5:1

A Cristo on̈ colnec 'elt 'a yol sc'ab' ley yic Moisés, sec wach' mun quiquec qui b'a yet'oc. Yuj cha, caw te'n tzeyutj e b'a. A jun ley cha, lajn 'icha junc 'ictz caw 'al. Man̈x eya'ch e b'a 'a yalan̈.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

2 Ti 1:7

A Dios, man̈oc xiwc'ojlal xyac' 'ayon̈. Palta a spoder 'ix yac'a, sec te'n tzcutj qui b'a. 'Ix ya'n qui chamc'ojloc qui b'a, 'ix ya'n pax cac' cuenta qui b'a qui ch'ocoj.

A Ch'an̈ Carta D'a Eb' Hebreo 2:15

A 'a yic yalan̈, 'icha to preso cajec, yujto caw on̈ xiwc qui cham ta'. Palta a Jesús, a coljnacn̈ec 'el 'a jun xiwlal cha.

Santiago 2:19

'Ay eb' tz'a'n 'och 'a sc'ojol, to junn̈j Dios. Wach' ton cob' tzna eb'. Palta an̈jtona', 'ixta pax ewin demonio, tzya'ch cob' ewin 'a sc'ojol, palta caw tz'ib'x ewin yuj xiwlal.

1 Jn 4:18

Toto yel 'ay qui chamc'ojlalec, man̈xtzac on̈ xiwec. A mach tz'acn schamc'ojlal, man̈xtzac xiwi. Yujto a yic tzon̈ xiwec, caw tzcab'c syal yu'uj. Yuj cha, a eb' tzxiwi, mant tz'acnoc schamc'ojlal eb'.