Ro 8:1 - Chuj San Sebastian Bible

¹ A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

Chuj San Mateo Bible

¹ A ticnaic, junxon̈ej caj yed' Cristo Jesús, yuj chi' man̈xalaj yoval sc'ol Dios aycot d'a quib'an̈.

Ro 8:1 ပူးပေါင်းရင်းမြစ်များ

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Ez 18:9

Tzb'eylb'ej in checnb'il, yiclum tzyutj sb'a 'a tas tzwala. Yuj stojlal snab'en cha, najtl 'oj yila'. An Jehová Yajl in, an tzwala.

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 15:4

Caw cann̈ecn̈ej wet'oc. An xo tic, 'oj in cann̈j pax eyet'oc. 'Icha junc sc'ab' te tz'el 'a snun, man̈xtzac stac' satni, 'ixta 'ex jun xo, toto matz ex can wet'oc.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Ro 16:3

Tic tzwa't stzatzl sc'ojl canb' Prisca yet' cu'tac Áquila, yujto junn̈j in munlj yet' eb' 'a yic Cristo Jesús.

Ro 16:7

Tzwa'n pax 'at stzatzl sc'ojl Andrónico yet' Junias. To wit chon̈b' in b'a yet' eb', witb'eym pax in b'a yet' eb', yic woch 'a preso yet' eb' 'a jun 'el. Caw 'ay yel'ch eb' 'a qui cal an̈ schecb' on̈ Cristo on̈. Sb'ab'l 'a'jnac 'och eb' sc'ojl 'a Cristo 'ayin.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 5:16

A smul win Adán cha, caw man̈ lajnoc 'icha jun qui colnb'il tzyac' Dios. Yuj wal jun smul win cha, yajx can 'och yailal 'a yib'n̈ smasnil 'anma'. Palta a Dios tz'a'n qui colnb'ilec 'a nab'an̈ej, yujto wach'xam caw niwn qui mulc xlaj 'och 'a 'a, palta tzyala, to wach'n̈ec 'a sat ticnec.

Ro 7:17

Yujto caw man̈oc in tzin b'o jun tzo'n̈ cha. A jun maysch'olnil chi toxn 'aych 'ayin, a tzb'oni.

Ro 7:20

Palta toto tzin b'o jun tzo'n̈ tas matz in nib'ej, tzyal 'el'chi, man̈oc in wan in b'oni. A jun maysch'olnil chi toxn 'aych 'ayin, a tzb'oni.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Ro 8:14

Jantcn̈ej mach tzb'eylb'an 'icha tzch'ox Yespíritu Dios, atn eb' yel yunnal Dios cha.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Ro 8:34

Yuj cha, ¿mach junc 'oj stac' ya'n 'och 'a quib'n̈ec? Yujto a Cristo 'ix chami, 'ix 'ajx pitzwc paxi. Ax ticnec 'ayc' 'a swach' c'ab' Dios, wan stew 'a Dios cujec.

Ro 8:39

wach'xam junc 'ayc' 'a satcha'an̈, mto junc 'ayc' 'a yaln̈ lum tic, tzann̈j junc xo tas b'ob'il yuj Dios, toxn matz tac' on̈ yi'nec 'el 'a schamc'ojlal. A jun schamc'ojlal tic, ch'oxb'il 'ayn̈ec yuj Cristo Jesús, atn Cajlilec.

Ro 8:4

'Ixta yutjnac sb'a, sec tztac' tojl xoj tzcutjec qui b'a 'icha tzyal ley. Yujto an̈ec tic, man̈xtzac qui b'eylb'ejc 'icha tznib'j qui tu nab'enalec, wan qui b'eylb'anec 'icha tznib'j Yespíritu Dios.

Ro 8:9

Palta an̈ec tic, man̈xtzac qui b'eylb'ejec qui tu nab'enal. An̈j tas tznib'j Yespíritu Dios, an̈j tzqui b'eylb'ejec, yujto a 'aych 'ayn̈ec. A eb' man̈ 'ayc 'och Yespíritu Cristo 'a 'a, man̈ yico'oc Cristo eb'.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 15:22

Smasnil 'anma 'oj chamoc, yujto yin̈tl Adán eb'. An̈ xo qui masnil yic on̈c xo Cristo, 'oj qui pitzwec paxi.

2 Co 12:2

'Ay jun winc wojtac, 'aych sc'ojl 'a Cristo. Schan̈lajn̈il ab'il xo yijx q'ue 'a satchan̈ 'aj 'ayc' Dios. Man̈ wojcoc, toto xit'nc yet' sniwnal, mto ma'ay, cojn Dios 'ojtnac.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Gl 5:16

Tzwaln 'at pax junx tic 'ayex. Caw qui b'eylb'oquec 'icha tznib'j Yespíritu Dios. To 'ixta', ma'oj qui b'eylb'oquec 'icha tznib'j qui tu nab'enalec.

Gl 5:25

Yuj Yespíritu Dios, 'ay qui q'uinlec 'a jun 'ejmn̈ej. Yuj cha, yowlal tzqui b'eylb'ejc 'icha tznib'j Yespíritu tic.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.