Ro 7:9 - Chuj San Sebastian Bible

⁹ A 'a yic mant wojcoc jun ley cha, pitzn in 'a sat Dios in nani. Ax yic 'ix wojcan 'eli, 'ix nachj 'el wu'uj, to caw may in ch'olnil. 'Ixta to b'i'an, 'ix wojcan 'eli, to chamnc in 'a sat Dios yu'uj.

Chuj San Mateo Bible

⁹ Ayic manto vojtacoc jun ley chi', pitzan in d'a yichan̈ Dios in naani. Axo yic ix vojtacaneli, ix nachajel vuuj to te malaj in vach'il. Ichato chi' b'ian ix vojtacaneli to ayoch chamel d'a vib'an̈ yuuj d'a yichan̈ Dios.

Ro 7:9 ပူးပေါင်းရင်းမြစ်များ

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Mt 19:20

—Yictax in cot'ch yune'al, tzin yiclj jun tzo'n̈ checnb'il tic smasnil. Palta ¿'ayt am tzyac' palta in b'oni? xchi winac.

Lc 15:29

Palta xyaln win 'ixtc 'a smam cha: 'In ojtac, niwn xo yab'lil tzach wac' servil, mant 'a jun 'ejmoc matz in yiclj tas tzala. Wach'xam junc quelm chiwo, toxn matz ac' xon junc wico', yic tzwa'n 'och junc in q'uin̈ yet' eb' in wach'c'ojol.

Lc 18:21

—Yictax in cottch yune'al, tzin yiclj jun tzo'n̈ checnb'il tic smasnil, xchi winac.

Ro 10:5

A Moisés aljnac cani, tas yowlal tzcutjec qui b'a, toto tzqui nib'jec tzon̈ 'ochc wach'l 'a sat Dios yuj jun ley cha. Yaljnac can 'ixtic: Toto 'ay mach c'uxn tzyiclni smasnil tas tzyal ley, 'oj scha sq'uinl yu'uj, xchi.

Ro 7:10

A ley cha, yopiso ya'n qui q'uinlec. Palta a 'ix 'i'n cot chaml 'a wib'an̈.

Ro 7:11

Yuj jun ley cha, 'ix wach' pitzw jun tzo'n̈ maysch'olnil 'ayin. Caw in 'ixtx yuj jun tzo'n̈ cha. A jun tzo'n̈ maysch'olnil chi 'ijnac cot chaml 'a wib'n̈ yuj jun ley cha.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.

Ro 7:6

A 'a yic yaln̈ cha, a jun ley chi 'ay yaln yic 'ayn̈ec. Al ticnec, chamnc on̈c 'elt 'a yol sc'ab' jun ley chi 'a sat Dios. Yuj cha, mun quiquec qui b'a ticnec, sec cojxn Dios tzca'c servil. Yuj cha, wan qui b'eylb'anec jun 'ac' b'eyb'al ya'jnac Yespíritu Dios 'ayn̈ec. Ax jun 'ichm ley tz'ib'b'il can cha, man̈x 'a yaln yic 'ayn̈ec ticnec.

Ro 7:8

Palta yuj jun tzo'n̈ checnb'il cha, 'ix wach' pitzw jun tzo'n̈ maysch'olnil 'ayin. Yuj cha, til wal maysch'olnil xin wach' nib'j 'ochi. Q'uilnloc may jun ley cha, to 'ixta', may yel'ch jun tzo'n̈ maysch'olnil cha.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

Gl 2:19

A ticnec, 'icha to chamnc on̈c 'a ley yic Moisés. Yuj wal jun ley cha, 'icha to chamnc on̈ec, sec wach' pitzn on̈c 'a sat Dios.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.