Ro 7:18 - Chuj San Sebastian Bible

¹⁸ Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

Chuj San Mateo Bible

¹⁸ Vojtac to max yal in c'ulan junoc tas vach' d'a yol vico' yujto chuc in pensar. In gana tzin c'ulej juntzan̈ tas vach', palta max yal-laj vuuj.

Ro 7:18 ပူးပေါင်းရင်းမြစ်များ

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Job 14:4

¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?

Job 25:4

Toc 'ay junc 'anma may smul 'a sat Dios, toxn may xon mach wach'.

Salmos 119:173

Lista cab' yaj a c'ab' in a colni, yujto tzin nib'j jun tzo'n̈ a checnb'il tic.

Salmos 119:176

In satc' 'icha tzyac' junc no calnelu tzsatq'ui, ach xo in a sayq'ui. In 'ilchj o'oj, yuj cha, matz wac' sat in c'ojl 'a jun tzo'n̈ a checnb'il tic.

Salmos 119:32

'Oj wac' 'ip in b'eylb'an jun tzo'n̈ a checnb'il tic, yujto tzac' wal in tzaljc'ojlal.

Salmos 119:40

Caw tzin nib'j jun tzo'n̈ a checnb'il tic; 'ac' in q'uinal, yujto caw tojl a nab'en.

Salmos 119:5

Comnoc wal te'n tzwutj in b'a, sec wach' tzwutj in yiclni a checnb'il tic.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

Jn 3:6

A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ro 7:15

Yujto a jun tzo'n̈ tas tzin b'o'o, man̈ wach'c tzwila. 'Ay jun tzo'n̈ tas wach' tzin nib'j in b'o', palta matz in b'o'o. Ax wal jun tzo'n̈ tas maysch'olnil 'a in sat, a tzin b'o'o.

Ro 7:19

Matz in b'o jun tzo'n̈ tas wach' 'icha tzin nib'ej. A jun tzo'n̈ maysch'olnil matz in nib'ej, axn̈ej tzin b'o'o.

Ro 7:25

Atn Dios, yet' Cajlil Jesucristo. Yuj cha, caw tzwac' yuj diosal 'a Dios ticnec. A ticnec, yet' in pixan tzwac' servil Dios. Palta ax jun in tu nab'enal tic, 'aych ya'malc servil jun 'icha ley toxn 'aych 'ayin, atn maysch'olnil.

Ro 7:5

A 'a yic yalan̈, an̈j qui tu nab'enalec qui b'eylb'ejnac. Yuj wal ley yic Moisés, spitzw jun tzo'n̈ maysch'olnil qui nib'jnaquec 'och yet' qui niwnalec tic. A jun tzo'n̈ chi tzon̈ 'i'nec 'at 'a chaml 'a jun 'ejmn̈ej.

Gl 5:17

Yujto a jun qui tu nab'enalec tic, 'ajc'ojl yajch 'a Yespíritu Dios. Ax Yespíritu cha, 'ajc'ojl yajch pax 'a qui tu nab'enalec. Caw wal 'ajc'ojl yajch junjn eb' 'a 'a. Yuj cha, 'ijn wal matz tac' wach' tzcutjec qui b'eyb'al 'icha tzqui nib'jec.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

A Scarta San Pablo D'a Eb' Aj Filipos 2:13

Yujto a Dios 'aych quet'ec. A tz'a'n qui nib'quec qui b'oc wach'il. A tz'a'n pax quip qui b'onec 'icha tas tznib'ej.

A Scarta San Pablo D'a Eb' Aj Filipos 3:12

Matz wala, toto tox xwac' ganar jun tzo'n̈ xwal tic. Yujto mant toc caw tz'acn in 'a smasnil. Palta caw an̈ja tzwac' 'ip ticnec, sec toq'ue 'oj in tz'acw 'a smasnil. Yujto a Cristo Jesús, tox in yique'ej.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.