Ro 7:13 - Chuj San Sebastian Bible

¹³ Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.

Chuj San Mateo Bible

¹³ Palta, ¿tas tze na jun? ¿Tom a jun ley te vach' chi' tz'ic'ancot chamel d'a vib'an̈? Maay, man̈oclaj. Aton jun in chuc pensaril tz'ic'ancoti. Icha chi' ix aj scheclajeli to yel te chuc jun chi'. A jun chucal chi' ix yac'lab'ej jun ley to vach' yic syic'ancot chamel d'a vib'an̈. Ichato chi' ix checlajelta to a jun in chuc pensaril chi', te chuc toni.

Ro 7:13 ပူးပေါင်းရင်းမြစ်များ

Mt 28:8

Yajn̈j wal cha, xyactn can eb' 'ix jun q'uen cha, caw xiw eb' 'ix, palta caw xtzalj pax eb'. Yuj cha, carela x'at eb' yal 'a eb' scuywum Jesús.

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.