Ro 6:22 - Chuj San Sebastian Bible

²² Ax ticnec, colchjnacn̈ec can 'elt 'a yol sc'ab' jun tzo'n̈ maysch'olnil cha. Man̈x 'a yaln yic 'ayn̈ec. On̈ 'ochc ya'malc servil Dios. Yuj cha, caw 'ay qui ganar ticnec, yujto a tz'a'n ca'c 'och qui nab'en 'a 'a. Ax qui chanec pax qui q'uinl 'a jun 'ejmn̈ej.

Chuj San Mateo Bible

²² Axo ticnaic, colchajnac on̈xo el d'a yol sc'ab' juntzan̈ chucal chi'. Man̈xa yalan yic d'ayon̈. Ix on̈ och schecab'oc Dios. Yuj chi' ay co ganar ticnaic, yujto ayoch co pensar d'ay. Axo co chaan co q'uinal d'a juneln̈ej.

Ro 6:22 ပူးပေါင်းရင်းမြစ်များ

Gn 50:17

Tzin tew 'ayach, to tzac' niwnc'ojlal 'a yib'n̈ ewin o'tac tic, yuj tas tu sb'o ewin 'ayach, xchi. 'Ixta xyutj win yaln cani, yuj cha, an̈ tic schecb' on̈ qui Diosal yet' qui mamc cha, tzcal 'ayach, to tzac' niwnc'ojlal 'ayn̈ on̈, yuj jun tu nab'enal xcac' 'ayach, xchi ewinac. Ax yic xyaln ewin checb' chi schecnb'il, x'oc' chan̈ José.

Job 1:8

Yuj cha, xyaln Jehová 'ixtc 'a winac: ¿May am 'aj 'ix elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil, xchi Dios 'a winac.

Salmos 143:12

Caw 'ay a chamc'ojlal 'ayin, yuj cha, sictac cab' tz'aj eb' 'ajc'ojl yajch 'ayin. Sat cab' 'el eb' smasnil o'oj, yujto a checb' waji.

Salmos 86:2

Coln 'el 'a yol sc'ab' jun tic, yujto yiclum in 'ayach. Mamin, coln an a checb' in tic, yujto ach tzach wa'ch yipc in c'ojol.

Salmos 92:14

Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Dn 3:26

A yic xlajw yaln win jun tzo'n̈ cha, 'ix c'och win 'a stz'ey sti jun jorna cha, 'ix yaln win 'ixtic: —Sadrac, Mesac yet' ach Abed-nego, ex schecb' jun Dios To Niwn Yel'chi, ¡'eln̈ecta, cotn̈ec 'a tic! xchi winac. Yajn̈j wal cha, 'ix 'elt eb' quelm chi yoxwn̈il 'a scal te c'ac' cha.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Nm 23:10

Lajn eb' 'icha wal lum pococ, ¿may junc mach tztac' sb'isn eb'? ¡Comnoc wal tzin cham 'a junc'ojlal 'icha jun tzo'n̈ 'anma wach' snab'en cha! xchi win Balaam 'a sat eb' 'ayc' 'a stz'ey cha.

Mt 13:40

'Icha sto'x 'el jun tzo'n̈ 'ac trigo cha, tzn̈usx tz'a'oc, 'ixta 'oj 'aj eb' 'anma', yic 'oj lajwc 'ec' yolyib'n̈q'uinl tic.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

Jn 8:32

Toto 'ixta', 'oj eyojcoc 'el spaxti Dios caw yel. Yuj jun spaxti yel cha, 'oj eyijx 'elt 'a libre, xchi Jesús 'a eb'.

Ro 6:14

A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

Ro 6:18

Ex colchj 'el 'a yol sc'ab' maysch'olnil, man̈xtoc ya'mal ex servil ticnec, ex 'och ya'malc servil wach'il.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Ro 7:25

Atn Dios, yet' Cajlil Jesucristo. Yuj cha, caw tzwac' yuj diosal 'a Dios ticnec. A ticnec, yet' in pixan tzwac' servil Dios. Palta ax jun in tu nab'enal tic, 'aych ya'malc servil jun 'icha ley toxn 'aych 'ayin, atn maysch'olnil.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

1 Co 7:22

Yujto 'ay eb' 'aych mosoal 'a junc mach, tzyawtn 'och Cajlilec eb' yico'oc. Wach'xam man̈toc libre tz'aj 'elt eb' 'a yol sc'ab' win 'aj tzmunlj cha, palta libre tz'ijx 'elt eb' 'a yol sc'ab' maysch'olnil yuj Cajlilec. 'Ay pax eb' yic xon sb'a, tzyawtj 'och yico'oc. Palta ax ticnec, 'aych eb' ya'malc servil Cristo.

2 Co 3:17

A Cajlilec, Espíritun̈ej. A mach 'aych Yespíritu Cajlilec 'a 'a, mun yic sb'a yet'oc.

Gl 1:10

A yic tzwaln 'at jun tzo'n̈ tic 'ayex, ¿tom tzin nib'j tzalj junc 'anma wet' e nani? Ma'ay, cojxn Dios tzin nib'j tzalj wet'oc. Matz in na jab'oc, toto tzalj junc 'anma wet'oc. Q'uinloc ton̈j tzin nib'j tzalj eb' wet'oc, to 'ixta', man̈ in ya'malc servil Cristo.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Ef 5:9

Toto yel sacq'uinl xo yaj qui pixnec, caw wach' tzcutjec qui b'a, tojln̈ej tzcutjec qui nab'en. Cojn wal junc tas caw yel tzlaj calec.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

A Scarta San Pablo D'a Eb' Aj Filipos 4:17

Man̈ yujoc ton̈j tzwa'ch in nab'en 'a e colwal, tzwaln 'at jun tzo'n̈ tic 'ayex. Caw tzin tzalji, yujto wan sniwnb'i spac eyic 'a sat Dios.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

A Sb'ab'el Carta San Pedro 1:9

Yujto wan qui chanec spac, atn scolnbil qui pixnec, yujto tzca'c 'och qui c'ojl 'a 'a.

A Sb'ab'el Carta San Pedro 2:16

An̈ec tic, libre xo cajec. Yuj cha, 'ixta cab' tzcutjec qui b'a. Palta matz tac' qui nanec, to tztac' qui comn b'onec maysch'olnil, yujn̈ej to libre cajec. Ocxo jun, qui nac coti, chajtlto on̈ 'ochc ya'malc servil Dios.

Apoc 7:13

Xlajw cha, 'ay jun 'a eb' 'ichm winc chi 'ix aln 'ixtc 'ayin: ¿Mach eb' sac spichl tic tza na'a? ¿'Ajtil xcot eb' tza na'a? xchi 'ayin.