Ro 6:21 - Chuj San Sebastian Bible

²¹ Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Chuj San Mateo Bible

²¹ Malaj jab'oc co ganar d'a spatic juntzan̈ ix co c'ulej chi'. Ton̈ej tzon̈ te q'uixvi yuj ticnaic. Yuj val juntzan̈ chi', sb'atcan eb' anima d'a chamel d'a juneln̈ej.

Ro 6:21 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:26

'Ix yaln pax win rey chi 'ixtc 'a Abiatar: A ticnec tzwal 'ayach, 'ixc 'a a lum 'a Anatot; yujto caw wal smoj a chami, palta matz ach in mil cham ticnec, yujto ach 'ajcuenta ach eln scaxail strato Jehová Dios 'a yojltac David, atn in mam, locn ach 'ix 'ab' syal yet' in mam cha, xchi.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 73:17

At 'a yic in c'och 'a a cajnub' ach in Diosal, 'ix nachj 'el wu'uj 'ajtil 'oj lajwc c'och eb' cha.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 14:12

'Ay wal b'eyb'al caw wach' qui nanec, palta ax 'a slajub', a 'a chaml tzon̈ yijec 'ati.

Pr 16:25

'Ay b'eyb'al to caw wach' qui nanec, palta ax 'a slajub', a 'a chaml tzon̈ yijec 'ati.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Jeremías 12:13

'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Ez 43:11

Toto 'oj q'uixwc chan̈ eb' yuj tas xlaj sb'o cha, to 'ixta', tza ch'ox yil eb' tas yaj watut sb'o'i, tastc 'ay 'a yojol, chajtl pax yilx smac 'aj tzon̈ 'ochi yet' 'aj tzon̈ 'el paxta, yet' pax jantc yechl 'a smasnil. Tzaln yab' eb' jun tzo'n̈ ley tas tz'aj yoch 'emmquilal 'a watut tic. B'o yechl chi yil eb', tza tz'ib'n pax smasnil jun tzo'n̈ ley cha, sec 'oj stac' syiclni eb'.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Ro 5:12

Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

Ro 7:5

A 'a yic yalan̈, an̈j qui tu nab'enalec qui b'eylb'ejnac. Yuj wal ley yic Moisés, spitzw jun tzo'n̈ maysch'olnil qui nib'jnaquec 'och yet' qui niwnalec tic. A jun tzo'n̈ chi tzon̈ 'i'nec 'at 'a chaml 'a jun 'ejmn̈ej.

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Co 7:11

Palta ax xo, caw 'ochnc e cusc'ojlal 'icha tznib'j Dios. Yuj cha, nac coti, tas 'ajnc ex yu'uj. Caw yelc'ojlal 'ochnc ex 'il, caw e coljnac e b'a, cotnc eyowl yuj jun maysch'olnil xb'o 'a e cal cha. Xiwnc ex paxi, caw e nib'jnac in e c'umoc, 'elnc 'a e c'ojl eya'n 'och 'a yib'n̈ jun 'ochnc smul cha. 'Ixta eyutjnac e ch'oxni, to man̈ex locnoc 'a jun maysch'olnil cha.

Dt 17:6

A jun chaml cha, tz'ajx 'och 'a yib'n̈ junc mach toto 'ay chawn̈oc mto 'oxwn̈oc testigo tz'iln jun 'anma cha. Palta toto cojn junc mach tzyac' testigoal sb'a yuj junc mul cha, matz tac' yoch chaml 'a yib'n̈ jun 'anma cha.

Dt 21:22

Toto 'ay junc winc tz'ajx 'och 'a yol sc'ab' chamel, tzt'un̈xq'ue 'a spenc te', yujto tz'och junc sniwquil mul,

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.

Santiago 5:20

Nachj cab' 'el jun tic eyu'uj. A eb' maysch'olnil tzyutj sb'eyb'al, toto tze montj can pax 'elt eb' 'a jun maysch'olnil cha, tzyal 'el'chi to wan e coln 'elt spixn eb' 'a yol sc'ab' chamel. Jantcn̈ej smul eb' cha, eyujn̈ej, ax yajx can lajwoc.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Apoc 20:14

Ax jun chaml cha, yet' jun yet'l spixn eb' chamnac, 'ix julx can 'at 'a scal jun niwquil c'ac' tzn̈ilchji, jun 'icha pama'. A jun c'ac' cha, atn jun schab'l chamel.