Ro 6:14 - Chuj San Sebastian Bible

¹⁴ A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

Chuj San Mateo Bible

¹⁴ Man̈xo co chaec yac' yajalil juntzan̈ chucal d'ayon̈. Yujto man̈xotoc ayon̈ och d'a yol sc'ab' ley Moisés chi'. Axo d'a yol sc'ab' svach'c'olal Dios ay on̈ ec' ticnaic.

Ro 6:14 ပူးပေါင်းရင်းမြစ်များ

Lv 25:41

Tzlajw cha, tztac' yel 'a yol eyatut yet' yunnal, yic tzpax 'a 'aj 'aycn yican, 'a 'aj cajn xon yuj smam.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Mt 1:21

A jun 'unn 'oj 'aljoc cha, winc 'unin. 'Oj ac' sb'ic JESÚS, yujto a 'oj colnc can 'elt eb' schon̈b' 'a yaln̈ smul, xchi jun ángel 'a José cha.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 8:36

Yuj cha, toto an tzex in colcn 'el 'a yaln̈ e mul, caw yel 'oj eyelcn 'a libre, yujto Yunnaln Dios.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Ro 4:16

Yujn̈ej to ya'jnac 'och win Abraham sc'ojl 'a Dios, yuj cha, ya'jnac can Dios sti 'a winac. 'Ixta tz'aj scheclj 'eli, to yujn̈ej swach'c'ojlal Dios, ya'n can sti'. Yuj cha, an̈ec yin̈tl on̈c Abraham tic, caw yel quiquec pax qui masnil yet' winac. Man̈ cojnoc eb' tzyiclni jun ley chi 'ay yico', palta quiquec pax qui masnil an̈ tzca'c 'och qui c'ojl 'a Dios, 'icha ya'jnac win Abraham cha. Yujto a winac, mamb'il yaj 'ayn̈ec 'a sat Dios, yujto ya'jnac 'och win sc'ojl 'a 'a.

Ro 5:17

Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.

Ro 5:18

Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej.

Ro 6:12

Yuj cha, a wal maysch'olnil, caw man̈xtzac qui chajec 'och yac' yajlil 'a yib'n̈ qui niwnalec. Yujto a qui niwnalec tic, yic chaml yaji. Caw man̈xtzac qui yicljec qui b'on jun tzo'n̈ maysch'olnil tzqui nib'jec 'ochi.

Ro 6:15

A ticnec, 'ayn̈ec 'ec' 'a yol sc'ab' swach'c'ojlal Dios, man̈xoc 'a yol sc'ab' ley yic Moisés. Palta ¿tas tze na'a? ¿Tom yuj cha, tztac' an̈ja qui b'onec maysch'olnil? Ma'ay, caw wal man̈xtzac stac'a.

Ro 8:12

Yuj wal cha, ex wu'tac, ex wanab', qui cuentaec qui b'eylb'an 'icha tznib'j Yespíritu Dios. Man̈x qui b'eylb'oquec 'icha tznib'j qui tu nab'enalec.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Gl 3:23

A 'a yic mantzac jaw jun mach 'aj tzca'c 'och qui c'ojol, 'ayn̈ect 'ec' 'a yol sc'ab' jun ley cha. 'Icha to yamb'iln̈ec yu'uj, masnto xcheclj 'el jun 'aj tzca'c 'och qui c'ojl cha.

Gl 4:21

'Ay ex, a jun ley yic Moisés tze nib'j tzex 'a'n mandar. Palta ¿tom matz e na coti, tas tzyal 'a jun ley cha?

Gl 5:18

Palta toto wan qui b'eylb'anec 'icha tzch'ox Yespíritu Dios, ax jun ley cha, man̈x 'a yaln yic 'ayn̈ec.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.