Ro 6:13 - Chuj San Sebastian Bible

¹³ Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Chuj San Mateo Bible

¹³ Man̈xo caq'uec och jun co nivanil tic d'a yol sc'ab' chucal yic sb'oan juntzan̈ tas malaj svach'il. Yovalil an̈ej d'a Dios scac'och co b'a, yujto chamnac on̈xo d'a yichan̈, palta ix on̈ pitzvixi. Yuj chi', caq'uec val co nivanil tic d'a Dios chi', yic vach' an̈ej juntzan̈ tas vach' sco c'ulej yed'oc.

Ro 6:13 ပူးပေါင်းရင်းမြစ်များ

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

Salmos 37:30

A eb' tojl snab'en, tzpaxtin eb' yet' jelnal, an̈jtona', tzpaxtin eb' 'a stojlal.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Lc 15:24

Yujto a jun wunnal tic, 'icha to chamnc xo, palta ax ticnec 'icha to xpitzw paxi. Satnc ton 'ati, palta xjapx 'ayin, xchi smam cha. Yuj cha, xya'n 'och eb' sq'uin̈ cha.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Ro 1:29

C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Ro 6:11

An̈jtona', 'ixta 'on̈c cab'i', nachj cab' 'el cujec to chamnc on̈c xo, man̈x 'a yaln maysch'olnil yic 'ayn̈ec. Qui nac paxi, to pitzn on̈ec, yic tzca'nec servil Dios, yujto junxn̈ej cajc yet' Cristo Jesús, [atn Cajlil.]

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:19

A jun tzo'n̈ wan waln 'at 'ayx tic, 'icha to comn 'ab'xn̈ej tzwutj walni, yujto mantzac nachj 'el wal jun tzo'n̈ cuynb'il tic eyu'uj. A 'a yic yalan̈, ca'jnaquec 'och qui niwnal ya'malc servil tu'al, yet' maysch'olnil. Yuj cha, caw maysch'olnil cutjnaquec qui b'a ta'. Ax ticnec, yowlal 'ixta tzcutjec ca'n 'och qui niwnal tic ya'malc servil wach'il, sec wach' cojxn Dios 'aj tzca'c 'och qui nab'en.

Ro 7:23

Palta wojtac, a 'a jun in niwnal tic, 'ay junx 'icha ley tz'a'n mandar, atn maysch'olnil. A tz'a'n owl yet' junx ley 'aj tzalj in pixan. Yuj cha, 'icha to preso waj yuj maysch'olnil, yujto a tz'a'n mandar in niwnal tic.

Ro 7:5

A 'a yic yalan̈, an̈j qui tu nab'enalec qui b'eylb'ejnac. Yuj wal ley yic Moisés, spitzw jun tzo'n̈ maysch'olnil qui nib'jnaquec 'och yet' qui niwnalec tic. A jun tzo'n̈ chi tzon̈ 'i'nec 'at 'a chaml 'a jun 'ejmn̈ej.

1 Co 6:15

'In eyojc xoni, a qui niwnalec tic, 'icha to sniwnal Cristo yaji. Yuj cha, ¿tom tztac' qui'nec 'at sniwnal Cristo, tz'at ca'noc yitb'eymoc junc 'ix 'ajmul 'ix, sec junxn̈ej tz'aj yet' 'ix? May ton b'i'an.

1 Co 6:20

yujto manb'iln̈ec xo 'eli. Yuj cha, yowlal caw wach' tzcutjec ca'n cuenta qui niwnalec tic, tzqui ch'oxnec 'el qui b'a, to caw niwn yel'ch Dios.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

2 Co 5:15

Atn Cristo xcham qui jelc qui masnil, sec wach' an̈ec 'ayx qui q'uinl yu'uj, man̈xtzac qui b'eylb'ejc 'icha tzqui nib'j junjn on̈c 'a yol quico'. Palta tzqui b'eylb'ejc 'icha tznib'j jun xcham qui jelquec, xpitzw paxi.

2 Co 8:5

Xqui na on̈, jantc tzyac' eb', palta yel xo wal niwn xyac' eb', yujto b'ab'l xyac' sb'a eb' 'a Cajlil. Xlajw cha, xya'n pax sb'a eb' 'ayn̈ on̈, 'icha tznib'j Dios.

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

Dt 25:16

Yujto a Jehová qui Diosalec, matz nib'j jun tzo'n̈ 'anma to man̈ tz'acnoc yechtab' yet' jun tzo'n̈ xo tas man̈ tojloc.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

2 Ts 2:12

Jantcn̈ej eb' matz nib'j tzya'ch sc'ojl 'a jun cuynb'il caw yel, 'oj 'ajxc can 'at eb' 'a yailal, yujto tzalj eb' yet' tas maysch'olnil.

2 Ti 2:15

Caw tzac' 'ip a munlj 'a yic Dios, sec tzyila, to wach' a munljel, caw tojl tzotj aln 'el spaxti Dios caw yel. Toto 'ixta tzotj a b'a, may yuj 'oj a q'uixw 'a sat Dios.

Santiago 4:1

¿Eyojc am 'aj tzcot jun tzo'n̈ owl 'ay 'a e cal, yet' chichnc'ojlal? A yic tze nib'n 'och jun tzo'n̈ tas tze nib'j eyac' e gana yet'oc, ata tzpitzw 'elt jun tzo'n̈ owl cha.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.