Ro 5:14 - Chuj San Sebastian Bible

¹⁴ A 'a yictax stiempoal win Adán cha, masnto 'a yic x'ajx 'elt ley yic Moisés, yowlal xcham smasnil 'anma', yujto xlaj 'och smul eb'. Wach'xam man̈ lajnoc ton smul eb' 'icha smul win Adán, yic ma'ix syiclj jun checnb'il alb'il 'a 'a, palta yowlal xlaj cham pax eb' jun xo. A win Adán cha, ch'oxnb'il yaj win yuj jun tza'nto jawnac, atn Cristo.

Chuj San Mateo Bible

¹⁴ Palta atax d'a stiempoal vin̈aj Adán chi' masanto ix ac'jielta ley Moisés, ix laj cham eb' anima smasanil, vach'chom man̈ lajanoc smul eb' icha smul vin̈aj Adán chi', ayic maj sc'anab'ajej jun schecnab'il Dios vin̈. A vin̈aj Adán chi', ch'oxnab'il yaj vin̈ d'a jun tzac'anto ix javi.

Ro 5:14 ပူးပေါင်းရင်းမြစ်များ

Gn 19:25

'Ix satl jun tzo'n̈ chon̈b' chi yet' smasnil tas 'ay 'a 'a, yet' smasnil tas 'ix q'uib' 'a sat lum pan̈n cha.

Gn 4:8

'Ay jun c'ual, 'ix yawtj 'at Caín win Abel cha, yic tz'at eb' b'eyc'oc. Ax yic 'ayc' eb' 'a 'aj 'ix 'at b'eyc'oc cha, 'ix meltzj 'och win Caín 'a win yu'tac cha, 'ix sma'n chamoc.

Gn 7:22

Smasnil tasto tzyij yic' cajn 'a sat lum lum tic, c'uxn 'ix chami.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Ex 1:6

A win José cha, yet' pax smasnil eb' yu'tac, yet' smasnil eb' ajun yet' win Jacob yic xc'och 'a Egipto cha, c'ojnc'ojnil 'ix cham eb' smasnil.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Ro 5:12

Yuj wal jun winac, spitzw can maysch'olnil 'a yolyib'n̈q'uinl tic, atn Adán. Yuj maysch'olnil cha, spitzw can chamel. Yuj cha, yochcn chaml 'a yib'n̈ smasnil 'anma', yujto c'uxn x'och smul eb' 'a Dios.

Ro 5:17

Yujn̈ej smul jun winac, yajx can 'och smasnil 'anma 'a yol sc'ab' chamel. Palta yujn̈ej junx mach, atn Jesucristo, caw niwn swach'c'ojlal Dios tzch'ox 'ayn̈ec, yujto tzyala to wach'n̈ec 'a sat. Yujn̈ej wal cha, ax qui chanec qui q'uinl 'a jun 'ejmn̈ej, ax cochc yajlil yet'oc.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

Ro 8:22

Cojquec, a 'a yictax pecti', smasnil jun tzo'n̈ tas b'ob'il can yuj Dios, 'aycn 'och 'a syailal. 'Icha junc 'ix caw tzyab' syal yalj yune', 'ixta tz'aj jun tzo'n̈ chi yab'n syal ticnec.

1 Co 15:22

Smasnil 'anma 'oj chamoc, yujto yin̈tl Adán eb'. An̈ xo qui masnil yic on̈c xo Cristo, 'oj qui pitzwec paxi.

1 Co 15:45

'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.