Ro 5:11 - Chuj San Sebastian Bible

¹¹ Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Chuj San Mateo Bible

¹¹ Man̈ocn̈ej yuj juntzan̈ tic, palta an̈eja' tzon̈ te tzalaj pax yed' Dios yuj Cajal Jesucristo. Yujto yuuj, ix och junc'olal d'a co cal yed' Dios.

Ro 5:11 ပူးပေါင်းရင်းမြစ်များ

Salmos 104:34

Comnoc wach' jun in nab'en tic tzela, yujto cojn 'ayach, ata tz'ilchj in tzaljc'ojlal.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Salmos 32:11

Ex wit 'anmal to wach' e nab'en, 'a'c tzaljoc e c'ojl 'a Jehová, e masnil ex to 'ayx 'och 'a stojlal, b'itnan̈c 'a tzaljc'ojlal.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Lc 1:46

Xlajw cha, xyaln María 'ixtic: Yet' smasnil in c'ojol, tzwal wach' paxti 'a Cajlil;

Jn 1:12

Palta ax jantcn̈ej eb' tzchani, eb' tzya'ch sc'ojl 'a 'a, a tzalni to 'ay yaln eb' yic yoch yunnalc Dios.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 5:10

A 'a yic yalan̈, wach'xam 'ajc'ojl cajc 'och 'a Dios, palta junc'ojlal xoj on̈ 'ajc yet'oc, yujto xcham Yunnal qui jeloc. Al ticnec, junc'ojlal xoj cajc yet'oc. Yuj cha, to caw yel 'oj qui colchjec yuj Yunnal cha, yujto pitznn̈ej.

Ro 5:3

Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec.

Ro 8:23

Man̈ cojnoc jun tzo'n̈ chi wan yab'n syail. An̈jtona', 'ixta tzon̈ 'ajc jun xo. 'Ayx 'och Yespíritu Dios 'ayn̈ec, sec chequel, to 'ayt tas 'oj yac' Dios 'ayn̈ec. Wach'xam 'ixta', palta wan cab'nec syal ticnec. Wan qui tan̈wniec b'a'n̈ 'oj qui wach' 'ochc yunnalc Dios. Ata 'oj wach' colchjoc 'el qui niwnalec tic.

Ro 9:10

Man̈ cojnoc jun tzo'n̈ tic tzwalb't 'ayex. Yujto a qui mam quichm Isaac, a 'ix Rebeca 'ochnc yistziloc. Ax yic 'ayx tz'i'n 'ix, 'ay chawn̈ 'unn yamn 'aljnac 'a 'ix, a Isaac chi 'ay yic eb'.

1 Co 10:16

A jun vaso yic Dios, jun tzca'c yuj diosal yu'uj, a tzch'oxni to junxn̈ej tzon̈ 'ajc yet' Cristo, yujto x'elcn schic'l cujec. An̈jtona', yet' jun pan tzpojx 'ec' 'a qui calec, a tzch'oxn paxi, to junxn̈ej tzon̈ 'ajc yet'oc, yujto x'ajx cham sniwnal chi cujec.

2 Co 8:19

An̈jtona', atn jun cu'tac tic sic'b'il 'el yuj eb' creyente 'a junjn iglesia, yic tz'ec' schanc jun colwal chi quet' on̈. Wan qui b'on jun tic on̈, sec 'oj checljoc 'el swach'l Cajlilec, ax scheclj pax 'el swach'l e nab'en.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

A Scarta San Pablo D'a Eb' Aj Filipos 3:1

A ticnec ex wu'tac, ex wanab', tzaljan̈c 'a Cajlil. 'Ay jun tzo'n̈ xo tas 'oj walb't 'ayex. Wach'xam waljnacx 'ayex, palta matz in cus waln 'at 'ayx jun 'ejm xo, yujto yowlal tze wach' 'ojquej 'eli.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

A Scarta San Pablo D'a Eb' Aj Colosas 2:6

Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.