Ro 4:20 - Chuj San Sebastian Bible

²⁰ A yic ya'n can Dios sti 'a winac, man̈ chab'c'ojlalc yutjnac win yab'ni. Caw ya'jnac 'och win 'a sc'ojol. Caw te'n yutjnac win snab'en. Yaljnac win wach' paxti 'a Dios,

Chuj San Mateo Bible

²⁰ Man̈ schab'c'olejnacoc vin̈. Yac'nac val och vin̈ d'a sc'ool. Tec'tec' yutejnac spensar vin̈. Yuj chi' yalnac vach' lolonel vin̈ d'a Dios.

Ro 4:20 ပူးပေါင်းရင်းမြစ်များ

Gn 15:6

'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová.

A Ch'an̈ Schab'il Libro Yic Yab'ixal Eb' Rey 7:19

Palta ax jun stan̈mal win rey cha, 'ix ta'w 'ixtc 'a win schecb' Dios: Wach'xam to tzjac Jehová sventnual satcha'an̈, palta ma'oj 'el'chc 'icha tzotj aln cha, xchi. 'Ix ta'w Eliseo chi 'ixtic: 'Oj el jun chi yet' a sat, palta man̈x 'oj a wa 'ixim, xchi.

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Dn 11:32

A jun rey cha, caw 'oj yac' yip smontn eb' et israelal, atn eb' tox 'ix 'actn can jun strato Dios cha. Palta ax eb' chon̈b' to caw 'ay schamc'ojlal 'a sDiosal, 'oj yac' eb' yip ste'wtzan sb'a yuj spacn sb'a 'a smasnil tas 'oj ujc cha.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.

Zacarías 8:9

A Jehová tztac' yuj smasnil, a tzaln 'ixtic: Te'n tzeyutj e b'a, ex to wan eyab'n jun tzo'n̈ paxti 'ix yalcn 'el eb' in checb' 'a yictax x'ejm yipnub'al yich watut sb'o'i, an Jehová in tztac' wuj smasnil.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Lc 1:18

'Ix yaln win Zacarías chi 'ixtc 'a 'a: —¿Tas wal 'oj wutc wojcan 'eli, toto yel jun tzo'n̈ tzal tic? Yujto an tic caw 'ichm in xo, an̈jtona', chichm xo pax 'ix wistzil, xchi winac.

Lc 1:45

Ach tic, 'ix a'ch 'a a c'ojol tas xyal Cajlil 'ayach. Yuj cha, caw wach' eco', yujto yowlal 'oj 'el'choc tas 'ix alx cha, xchi 'ix Elisabet cha.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.