Ro 4:2 - Chuj San Sebastian Bible

² Caw wach' 'a sat Dios, palta man̈ yujoc tas wach' sb'ojnac. Q'uinloc yuj tas sb'ojnac wach' 'a sat Dios, toto 'ixta', tecn am tztac' yijnac chan̈ sb'a. Palta 'a sat Dios, ma'ix stac' sb'an̈n sb'a,

Chuj San Mateo Bible

² Tato yuj tas vach' sc'ulejnac vin̈ ochnac vin̈ vach'il d'a yichan̈ Dios, yalnac am yic'anchaan̈ sb'a vin̈. Palta maj yal-laj yic'anchaan̈ sb'a vin̈ d'a yichan̈ Dios chi'.

Ro 4:2 ပူးပေါင်းရင်းမြစ်များ

Gn 12:18

Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Gn 12:20

Xlajw cha, 'ix yaln win rey chi 'a eb' soldado, to tz'ijx 'el Abram 'a yol yic Egipto yet' yistzil, yet' pax smasnil tastc 'ay 'a 'a.

Ez 8:9

Xlajw cha, xyaln pax 'ixtc 'ayin: 'Ochan̈, tzel nab'an tas wal syajb'entacl tzyutj sb'a eb' 'anma cha, xchi.

Ro 15:17

Yujto 'ayx 'och in c'ojl a Cristo Jesús, yuj cha, tztac' walni, chajtlto caw 'ay yel'ch jun munljel tic tzin b'o 'a Dios.

1 Co 1:29

Yuj cha, may junc mach tztac' sb'an̈n sb'a 'a sat Dios.

1 Co 1:31

Tz'ib'b'il can 'ixtc 'a Ch'an̈ U'un̈: Toto 'ay mach tznib'j tzyij chan̈ sb'a, caw matz tac'a. Cojxn Cajlil tztac' qui'nec cha'an̈, xchi.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

1 Co 9:16

An tic, wach'xam tz'ec' wal-l wach' 'ab'x yic colnb'il, man̈ yujoc cha, tztac' in b'an̈n in b'a. Yujto yowlal tz'ec' wal-li. Caw wal 'oltac in, toto matz 'ec' wal-l jun wach' 'ab'x tic.

2 Co 11:12

Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

2 Co 11:30

Toto tzin b'an̈ in b'a, 'oj in b'an̈ ton in b'a yuj jun tzo'n̈ wan waln 'at 'ayx tic, yujto a jun tzo'n̈ tic tzch'oxni, to may jac wel'chi.

2 Co 5:12

Man̈ ton̈joc tzcalb't qui b'a wach'l 'ayx jun 'ejm xo on̈. Palta tzqui nib'j 'oj stac' e tzalj quet' on̈, sec 'oj stac' e pacn 'a jun tzo'n̈ eb' ton̈j tzb'an̈ sb'a yuj jun tzo'n̈ tas tzquilc yet' qui sat 'a eb'. Ax tas 'ay 'a snab'en eb', matz na xon eb', toto wach', mto ma'ay.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Ef 2:9

Man̈ yujoc junc tas wach' tzqui b'o'ec, tzon̈ colchjec. Yuj cha, may junc on̈c tztac' qui b'an̈nec qui b'a.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Josué 24:2

'Ix yaln Josué chi 'ixtc 'a smasnil eb' chon̈b' cha: —A Jehová qui Diosalec an̈ israel on̈c tic, a aljnac can 'ixtic: A yic pecti', ata cajn win e mam eyichm 'a sc'axpil 'ec' a Eufrates, atn win Taré yet' chawn̈ yunnal, jun win tzcuch Abraham, ax junx winac, Nacor sb'i, ata tzyac' servil eb' jun tzo'n̈ comn dios.