Ro 4:18 - Chuj San Sebastian Bible

¹⁸ A 'a jun 'el, may junc tas wach' ya'n 'och Abraham yipc sc'ojol, palta ya'jnac 'och sc'ojl 'a Dios. A wal tas yaljnac Dios 'a 'a, a ya'jnac yipc sc'ojol. Yuj cha, niwn nacion̈ 'aj 'ochnc can mam 'ichmab'ilal, 'icha yaj yaln can Dios 'a winac, yic yaln can 'ixtic: 'Ixta 'oj 'aj sb'isl eb' en̈til, xchi.

Chuj San Mateo Bible

¹⁸ A sc'ulejnac vin̈aj Abraham chi' junel, malaj junoc tas yac'nac vin̈ yipoc sc'ool, palta yac'nacoch tas yalnac Dios vin̈ d'a sc'ool. Yuj chi', tzijtum juntzan̈ chon̈ab' pitzvinaccan yin̈tiloc vin̈, icha ajnac yalancan Dios chi' d'a vin̈: Icha tic ol aj sb'isul eb' in̈tilal ol pitzvoccaneli, xchi d'a vin̈.

Ro 4:18 ပူးပေါင်းရင်းမြစ်များ

Pr 13:12

Toto matz 'el'ch tas tzca'c 'och yipc qui c'ojol, caw tzjaw qui cusc'ojlalec; ax toto tz'el'ch tas tzqui nib'jec, caw wal tzon̈ tzaljec.

Ez 37:11

Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Lc 1:18

'Ix yaln win Zacarías chi 'ixtc 'a 'a: —¿Tas wal 'oj wutc wojcan 'eli, toto yel jun tzo'n̈ tzal tic? Yujto an tic caw 'ichm in xo, an̈jtona', chichm xo pax 'ix wistzil, xchi winac.

A Tas Sc'ulejnac Eb' Schecab' Jesús Hechos 27:25

Yuj cha, tzaljan̈c ex wit 'anma'il, yujto tzwa'ch Dios yipc in c'ojol, yowlal 'oj 'el'choc 'icha xyal jun ángel chi 'ayin.

Ro 4:17

'Icha yaj yaln can Dios 'a Ch'an̈ U'un̈, a 'aj tzyal 'ixtic: Yujto niwn nacion̈ 'oj ach wa'ch smam 'ichmoc, xchi Dios 'a win Abraham cha. A Dios a tz'a'n pitzwc pax eb' chamnac. Ton̈j tzyala, tzcheclj chan̈ pax jun tzo'n̈ tas mant 'ayc 'ec' xoni.

Ro 4:19

A win Abraham cha, jab'xoj wal yel win 'a jun ciente ab'il. Yojtac to caw 'ichm xo, yojc paxi to caw chichm xo pax 'ix Sara. 'Icha to man̈x b'a'n̈ 'oj 'aljoc junc yunnal eb', palta an̈ja ya'jnac 'och win 'a sc'ojl yuj tas yaljnac Dios 'a 'a.

Ro 5:5

Palta ma'oj 'el qui q'uixwelec, yic tzca'nec 'och Dios yipc qui c'ojol, yujto tz'acn tzyutj ya'n 'och schamc'ojlal 'ayn̈ec yuj Yespíritu xyac' 'ayn̈ec.

Ro 8:24

Yictax on̈ colchjec, tzca'c 'och yipc qui c'ojol, to 'oj qui wach' chac qui colnb'ilec. Q'uinloc tox 'ix qui chajec jun chi ticnec, to 'ixta', man̈x yowlalc tzat qui tan̈wjec sjawi. Yujto a tas tzquilc yet' qui sat, man̈xtzac qui tan̈wjec sjawi.

A Ch'an̈ Carta D'a Eb' Hebreo 6:19

Caw te'n tz'aj qui nab'enec ticnec, yujto tzca'c 'och jun chi yipc qui c'ojol. Caw lajn tz'aj 'icha junc barco caw 'ay yip yaj syamx 'och wan yuj jun syamlab'il 'ay 'ejmi. A jun 'aych yipc qui c'ojl cha, 'ayx 'och 'a spatquil 'och jun nip 'ayc' 'a snan̈l yatut Dios 'a satcha'an̈.