Ro 4:16 - Chuj San Sebastian Bible

¹⁶ Yujn̈ej to ya'jnac 'och win Abraham sc'ojl 'a Dios, yuj cha, ya'jnac can Dios sti 'a winac. 'Ixta tz'aj scheclj 'eli, to yujn̈ej swach'c'ojlal Dios, ya'n can sti'. Yuj cha, an̈ec yin̈tl on̈c Abraham tic, caw yel quiquec pax qui masnil yet' winac. Man̈ cojnoc eb' tzyiclni jun ley chi 'ay yico', palta quiquec pax qui masnil an̈ tzca'c 'och qui c'ojl 'a Dios, 'icha ya'jnac win Abraham cha. Yujto a winac, mamb'il yaj 'ayn̈ec 'a sat Dios, yujto ya'jnac 'och win sc'ojl 'a 'a.

Chuj San Mateo Bible

¹⁶ Yac'naccan sti' Dios d'a vin̈aj Abraham chi', yujto yac'nacoch vin̈ d'a sc'ool. Icha chi' ix aj scheclajeli to yujn̈ej svach'c'olal Dios yac'naccan sti' d'a vin̈. Vach'xo yaj d'ayon̈ yed' a on̈ yin̈til on̈ vin̈aj Abraham tic. Man̈ocn̈ej eb' syac'och spensar d'a jun ley chi' ay yico', palta quic yaj co masanil a on̈ scac'och Dios d'a co c'ol icha ajnac vin̈aj Abraham chi'. Yujto yac'nacoch vin̈ d'a sc'ool, yuj chi' mamab'il yaj vin̈ d'ayon̈.

Ro 4:16 ပူးပေါင်းရင်းမြစ်များ

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Lc 19:9

Yuj cha, xyaln Jesús 'ixtic: —A ticnec, 'ix schaj eb' 'ajn̈a tic colnb'il, yujto a Zaqueo tic yel yin̈tl can Abraham.

Ro 15:8

Tzwalb't jun tzo'n̈ tic 'ayex, yujto a Cristo wul ya'jnac sb'a ya'malc servil eb' quit israelal. A wul 'a'jnac 'el'choc tas yaljnac can Dios 'a eb' qui mam quichmec, yic ya'n can sti 'a eb'. 'Ixta yutjnac Cristo sch'oxni, to caw yel tzyal Dios.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 9:8

A jun tic, tzyal 'el'chi, may junc mach to yujn̈ej smam yicham, tz'och yunnalc Dios. 'Ay eb' yin̈tl Abraham pitzwnac 'eli, 'icha yaj ya'n can Dios sti 'a 'a. Cojn eb' yel yin̈tl Abraham 'a sat Dios.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

Ef 2:8

Yuj wal swach'c'ojlal Dios on̈ colchjec, yujto xca'c 'och qui c'ojl 'a 'a. A jun tic, man̈oc on̈c xqui b'o'ec, yujto an̈j Dios tz'a'n 'ayn̈ec.

Tito 3:7

sec wach' yuj wal swach'c'ojlal, on̈ 'och wach'l 'a sat. Yuj cha, 'oj yac' qui q'uinl 'a jun 'ejmn̈ej, atn jun tzca'ch yipc qui c'ojol.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.