Ro 4:10 - Chuj San Sebastian Bible

¹⁰ Palta nac coti, b'a'n̈i yaljnac Dios 'ixta'. ¿Tom 'ac'b'ilx 'och jun senya chi 'a win ta'? Ma'ay, mantzac 'ajx 'och jun senya chi 'a winac.

Chuj San Mateo Bible

¹⁰ Naeccoti, b'ac'n̈itax yalnaccan Dios icha chi'. ¿Tom ac'b'ilxo circuncidar vin̈ ta'? Maay, manto.

Ro 4:10 ပူးပေါင်းရင်းမြစ်များ

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 17:10

Atn jun in trato tic tzwac' et'oc, yowlal tzyiclj smasnil eb' en̈til, smasnil winc 'unin, yowlal tz'ajx 'och yechl sniwnal.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.

Ro 4:9

A jun wach'l tzyal tic, man̈ cojnoc eb' 'ac'b'il circuncidar 'ay yico', yic pax eb' man̈ 'ac'b'ilc circuncidar yet' eb'. Tox 'ix walb't 'ayex, yujto a win Abraham, ya'jnac 'och sc'ojl 'a Dios. Yujn̈ej cha, yaln Dios to wach' win 'a sat.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.