Ro 3:31 - Chuj San Sebastian Bible

³¹ Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Chuj San Mateo Bible

³¹ Tato icha chi' yaji, ¿tom yuj chi' syal quic'anel yopisio ley Moisés chi'? Maay, max yal-laj calan icha chi'. Palta van co ch'oxaneli to nivan yelc'och jun ley chi'.

Ro 3:31 ပူးပေါင်းရင်းမြစ်များ

Salmos 119:126

Mamin Jehová, stiempoal xo wal a'n cuenta eb' may yel'ch a cuynb'il 'a sat.

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

Is 42:21

An Jehová in, caw tzin nib'j tzin colwji, yuj cha, xwa'n cuynb'il caw wach' 'ayex.

Mt 15:6

Ax xo tic tzeyala, toto 'ay mach tzaln 'ixta', man̈x yowlalc tzcolwj 'a smam snun. 'Ixta tzeyutj eyixtn 'el schecnb'il Dios, yujto an̈j jun tzo'n̈ sley e mam eyichm tze b'eylb'ej.

Mt 3:15

—Yowlal 'oj a b'o jun tic, yujto smoj tzqui yiclj jantcn̈ej tas tzyal Dios, xchi Jesús 'a 'a. 'Ixta to b'i'an, xyaln sc'ojl Juan cha.

Mt 5:17

Xe natlaji, to in jaw wul wac' lajwc ley yic Moisés, yet' jun tzo'n̈ scuynb'il eb' schecb' Dios pecti'. Man̈ yujoc jun cha in jawi. Palta in jawi, sec 'oj wach' 'el'choc jun tzo'n̈ cha.

Mt 5:20

Yuj cha, tzwal 'ayex, yowlal tojl tzeyutj e b'eyb'al 'a yib'n̈ sb'eyb'al eb' cuywjum 'a ley yic Moisés yet' eb' fariseo. Toto ma'ay, ma'oj eyoch 'a yol sc'ab' jun 'aj satchan̈ chi jun xo.

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

Ro 10:4

A Cristo 'a'jnac lajwc yopiso ley yic Moisés. Yujto tzann̈j mach tzya'ch sc'ojl 'a 'a, wach' eb' 'a sat Dios ticnec.

Ro 2:20

Tze na'a, to tztac' e cuyn eb' may tas yojtac. Ax eb' mantzac nachj 'el yu'uj, tztac' eya'n nachjc 'el yuj eb' e nani. Yuj ley yic Moisés, caw tznachj 'el jun tzo'n̈ cuynb'il eyu'uj. Eyojc xo 'aj 'ay yel.

Ro 3:4

Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.

Ro 3:6

Palta caw man̈ 'ichcta'. Q'uinloc man̈ tojloc Dios ticnec, toto 'ixta', ma'oj stac' sb'eyc'ojlan eb' 'anma 'a yolyib'n̈q'uinl tic.

Ro 4:14

A eb' 'aych snab'en 'a jun ley cha, q'uinloc an̈j 'a eb' 'oj yac' Dios yolyib'n̈q'uinl tic yico'oc. Toto 'ixta', nab'an̈ej am tzca'c 'och qui c'ojl 'a 'a, ax jun sti ya'jnac cani, may am pax yopiso.

Ro 7:22

A 'in pixan, caw tzalj yet' sley Dios.

Ro 7:25

Atn Dios, yet' Cajlil Jesucristo. Yuj cha, caw tzwac' yuj diosal 'a Dios ticnec. A ticnec, yet' in pixan tzwac' servil Dios. Palta ax jun in tu nab'enal tic, 'aych ya'malc servil jun 'icha ley toxn 'aych 'ayin, atn maysch'olnil.

Ro 8:4

'Ixta yutjnac sb'a, sec tztac' tojl xoj tzcutjec qui b'a 'icha tzyal ley. Yujto an̈ec tic, man̈xtzac qui b'eylb'ejc 'icha tznib'j qui tu nab'enalec, wan qui b'eylb'anec 'icha tznib'j Yespíritu Dios.

1 Co 9:21

Ax yic 'ayn 'ec' 'a scal eb' man̈ israeloc, eb' man̈ 'ayc 'och snab'en 'a jun ley cha, lajn tzwutj in nab'en yet' eb', sec 'ay eb' tzmontchj wu'uj. Palta smasnil tiempo, yowlal tzin yicljn̈ej sley Dios, yujto 'aych in nab'en 'a sley Cristo ticnec.

Gl 2:19

A ticnec, 'icha to chamnc on̈c 'a ley yic Moisés. Yuj wal jun ley cha, 'icha to chamnc on̈ec, sec wach' pitzn on̈c 'a sat Dios.

Gl 2:21

Matz tac' calnec, to nab'an̈ej sch'oxjnac Dios swach'c'ojlal 'a eb' wit israelal. Q'uinloc yujn̈ej qui yiclniec ley yic Moisés, tzyaln Dios, to wach'n̈ec 'a sat, to 'ixta', nab'an̈ej xcham Cristo cujec.