Ro 3:25 - Chuj San Sebastian Bible

²⁵ A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Chuj San Mateo Bible

²⁵ Ix ac'ji Cristo silab'il yuj Dios yic stupji smul eb' anima. Yuj schamel Cristo chi' ix tup yoval sc'ool Dios d'a quib'an̈ yuj co mul, tato scac'och d'a co c'ool. Icha chi' yutejnaccan Dios sch'oxani to te tojol yutejnac sb'a d'a peca', ayic yac'annac nivanc'olal eb' ochnac smul d'ay.

Ro 3:25 ပူးပေါင်းရင်းမြစ်များ

Salmos 119:142

A 'a tojlal 'ayc' 'a smasnil tiempo, ax jun tzo'n̈ a cuynb'il tic, caw yel eb'.

Salmos 22:31

A eb' 'oj 'aljoc 'a yic b'a'n̈ cha, 'oj alxoc yab' eb' a tojlal, yet' tas a b'ojnac.

Salmos 40:10

May 'ajtil xin c'ub'j 'el a tojlal. A wico', to 'ix walcn 'eli chajtlto tzac' 'el'choc tas tzala, yet' pax colnb'il tzac'a. May xon wal 'aj xin c'ub'j 'el a chamc'ojlal, yet' a wach'l 'a sat eb' a chon̈b' 'a 'aj tzyam sb'a eb'.

Salmos 50:6

Ax satcha'an̈ a 'oj ch'oxnoc 'eli, to a Dios atn Juez, caw tojl tzyutj sb'eyc'ojlwi.

Salmos 97:6

A satcha'an̈, a tzch'oxn 'el stojlal; ax eb' chon̈ab', caw tzyil eb' stzictznial.

Salmos 98:2

'Ix yac' 'ojcaxc 'eli to Colwjum, 'ix sch'ox yil jun tzo'n̈ niwc nacion̈, to tojl tzyutj sb'onyaj junc tas.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Lv 16:10

Ax junx no chiwo cha, pitznto cab' no', tzya'n 'och 'a wojltac, tzyaln 'ejm smul eb' chon̈b' 'a yib'n̈ no', tzlajw cha, tz'actx can 'at no 'a cusltac lum yet' smul eb' chon̈b' cha.

Lv 16:15

Tzlajw cha, tz'elta, tzmiln pax win no chiwo tz'och xajmb'al-l yuj smul eb' chon̈ab', tzyi'n pax 'och schic'l no 'a yojltac 'och te cortina cha. Tzicn 'och 'a yib'n̈ smac yet' 'a yojltac 'elt smacl sti caxa, 'icha wal tzyutj 'a b'ab'l yet' schic'l no quelm wacx cha.

Jn 6:47

Wal yel tzwal 'ayex, a mach tzin 'a'n 'och 'a sc'ojol, 'ay sq'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

A Tas Sc'ulejnac Eb' Schecab' Jesús Hechos 15:18

'Ixta yutjnac Cajlil yalni, atn 'a'jnac cojcoc 'el jun tzo'n̈ tic, yictax pecti', xchi 'a Ch'an̈.

A Tas Sc'ulejnac Eb' Schecab' Jesús Hechos 17:30

A 'a yic pecti', man̈ yojcoc eb' 'anma', toto 'ay Dios. Yuj cha, niwn yutjnac sc'ojl 'a eb'. Palta ticnec, a tzalni to yowlal tzna sb'a smasnil 'anma 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 3:18

Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail.

A Tas Sc'ulejnac Eb' Schecab' Jesús Hechos 4:28

C'uxn 'ix sb'o eb' jantcn̈ej tas alb'il can oj pecti'. Yujto 'elnc xon 'a a c'ojol, to 'ixta tzb'o eb'.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Ro 5:18

Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej.

Ro 5:9

Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios.

1 Co 5:7

Yuj cha, 'actjec can jun tzo'n̈ e b'eyb'al 'a yic yalan̈. Yujto a jun tzo'n̈ cha, lajn 'icha yich pan. Toto 'ixta', 'oj eyoch 'icha jun pan tzwax 'a q'uin̈ yic tznax cot yel eb' israel 'a libre, may jac spaltail. Yujto wal yel, 'ixta ex 'a sat Cristo, yujto a xcham qui jelquec. 'Icha no quelm calnelu tzmilx chamoc, tz'och xajmb'al-l 'a jun q'uin̈ cha, 'ixta x'aj scham Cristo yic yi'n can 'el qui mulec.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

A Ch'an̈ Carta D'a Eb' Hebreo 10:4

Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.

A Ch'an̈ Carta D'a Eb' Hebreo 11:14

Yujto a eb' tzlaj aln 'ixta', caw tzch'oxl eb' si'mb'il, to wan sayn eb', tas 'oj yutc eb' sc'och 'a junx schon̈ab'.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Ch'an̈ Carta D'a Eb' Hebreo 9:5

Ax 'a yib'n̈ jun caxa cha, ata b'ob'il q'ue jun tzo'n̈ yechl querubín, sec chequel, to 'ayc' Dios ta'. Jen̈n 'at sc'axl eb' 'a yib'n̈ jun yet'l 'aj tz'ajx lajwc smul eb' quit chon̈b'ec. Colb'il wal jun tzo'n̈ tic tzwalb't 'ayx yuj chajtl yilx jun cha.

1 Jn 1:10

Toto tzcalec to may 'aj tz'och qui mulec, wan calnec to a Dios tzyac' 'es. Ax spaxti', toxn matz ca'c 'och 'a qui c'ojol.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.