Ro 3:20 - Chuj San Sebastian Bible

²⁰ May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Chuj San Mateo Bible

²⁰ Yujto malaj junoc mach man̈ ol ac'joc och d'a yib'an̈ yujn̈ej to sc'anab'ajej tas syal jun ley chi'. Yujto a jun ley chi' ay yopisio sch'oxan d'ayon̈ to ay co mul co masanil.

Ro 3:20 ပူးပေါင်းရင်းမြစ်များ

Job 15:15

A Dios matz ya'ch wal yipc sc'ojl eb' ángel, 'ixta pax satcha'an̈, man̈toc yel xo pax wach' yilx 'a sat.

Salmos 130:3

Q'uinloc a qui mul tza say el on̈, ¿mach wal junc 'oj ste'wtzoc sb'a 'a ojltac Mamin Jehová?

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

A Tas Sc'ulejnac Eb' Schecab' Jesús Hechos 13:39

A jun ley yic Moisés, caw matz tac' ya'n lajwc qui mulec. Palta tzann̈j mach tzya'ch sc'ojl 'a Jesucristo, c'uxn tz'ajx can lajwc smul eb' yu'uj.

Ro 2:13

A eb' ton̈j tz'ab'n jun ley cha, man̈ wach'c eb' 'a sat Dios, ax eb' tzyiclni tas tzyala, atn eb' chi wach' 'a sat.

Ro 3:28

'Ixta tzcutjec cojcan 'eli, to yujn̈ej tzca'c 'och qui c'ojl 'a Jesús, wach'n̈ec 'a sat Dios, man̈ yujoc qui yiclni tas tzyal jun ley cha.

Ro 4:13

Ya'jnac can Dios sti 'a win Abraham yet' 'a eb' yin̈til, chajtlto 'oj yac' yolyib'n̈q'uinl tic yico'oc eb'. Man̈ yujoc syicljnac win sley Dios, ya'n can sti 'a winac, palta yujn̈ej to wach' win 'a sat, yujto ya'jnac 'och win sc'ojl 'a 'a.

Ro 4:15

Yujn̈ej jun ley cha, tz'ajx cot yailal 'a yib'n̈ eb' 'anma'. Q'uinloc may jun ley chi ticnec, toto 'ixta', may am mach tztenn 'ec' jun ley cha.

Ro 5:13

A 'a yic mant 'a xon ley yic Moisés, 'ochnc xo smul eb' 'anma 'a Dios. Palta a smul eb' cha, ma'ix can wal 'a yib'n̈ eb', yujto mant 'a ley ta'.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ro 7:11

Yuj jun ley cha, 'ix wach' pitzw jun tzo'n̈ maysch'olnil 'ayin. Caw in 'ixtx yuj jun tzo'n̈ cha. A jun tzo'n̈ maysch'olnil chi 'ijnac cot chaml 'a wib'n̈ yuj jun ley cha.

Ro 9:32

¿Tas yuj 'ixta tz'ajcn eb' tze na'a? Tzcann̈j eb' 'ixta', yujto matz ya'ch eb' sc'ojl 'a Cristo. Snan eb' to tztac' yoch eb' wach'l 'a sat Dios, yuj jun tzo'n̈ tas mun tzb'o eb'. Yuj cha, 'icha junc q'uen 'aj tztench eb' yoc, 'ixta Cristo 'a sat eb'.

1 Co 15:56

Yuj qui mulec, 'ay spoder chaml chi 'on̈ smilnec. Yuj sley Dios, 'ix 'ajx can spoder qui mulc chi qui cham yu'uj.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Gl 2:19

A ticnec, 'icha to chamnc on̈c 'a ley yic Moisés. Yuj wal jun ley cha, 'icha to chamnc on̈ec, sec wach' pitzn on̈c 'a sat Dios.

Gl 5:4

Ax xo tze na'a, to wach'x 'a sat Dios, yujto yiclum ex 'a jun ley cha, ax 'a Cristo, toxn man̈x 'a jac eyaln eyic 'a 'a. Man̈x 'a swach'c'ojlal Dios 'oj e cha'.

A Ch'an̈ Carta D'a Eb' Hebreo 7:19

May junc tas xb'o 'el'ch yuj jun ley cha. Palta 'ay junx yel xo caw wach', 'ix 'ochx can sjeloc, atn jun 'aych yipc qui c'ojlec. Yuj wal jun cha, tztac' qui nitznec 'och qui b'a 'a stz'ey Dios.