Ro 3:1 - Chuj San Sebastian Bible

¹ Ex wit israelal, a eb' quit chon̈b'ec, ¿tom man̈ wach'c yic eb' tze na ticnec? Yet' pax jun senya circuncisión, ¿tom may yopiso tze na'a?

Chuj San Mateo Bible

¹ Palta a eb' vetisraelal, ¿tom man̈ vach'oc yic eb' tze na ticnaic? Yed' pax jun yechel circuncisión, ¿tom malaj yopisio e naani?

Ro 3:1 ပူးပေါင်းရင်းမြစ်များ

Gn 25:32

Yuj cha, xyaln Esaú 'ixtic: —'Ilto, wan in cham yuj wejel, yilx jun in macl yic b'ab'l 'unnab'ilal cha ¿tas wal 'oj 'och wu'uj? xchi winac.

Salmos 147:20

Man̈ 'ichcta 'ix yutj jun tzo'n̈ xo nacion̈, yuj cha, man̈ yojcoc eb' jun tzo'n̈ sley cha. ¡Alx cab' wach' paxti 'a Jehová!

Ec 6:11

Yel ton tas tzalxi: A 'aj niwn tas tzcalec, 'ay paxti man̈x 'a yel'chi, may jac tas wach' qui'nec 'a spatquil yic niwn tas tzcalc cha.

Ec 6:8

¡Toc 'ay swach'l yic junc jeln 'a yib'n̈ pax junc may snab'en! Toto meb'a on̈ec, ¡toc 'ay tzcac' ganar yic tzcojcanec 'el qui'n b'ey qui b'a yet' eb' quit 'anmal 'a swach'il!

Malaquías 3:14

'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.