Ro 2:27 - Chuj San Sebastian Bible

²⁷ 'Ay ton eb' 'ixta', man̈ 'ayc 'och jun senya chi 'a sniwnal eb', palta caw tzyiclj eb' jun ley cha. Yuj cha, a eb' 'oj e b'eyc'ojlani. Wach'xam 'aych jun senya chi 'ayex, mto tz'ib'b'il can pax jun ley chi 'ayex, palta toxn matz eyiclj xoni.

Chuj San Mateo Bible

²⁷ Ay eb' man̈ ayococh jun yechel chi' d'a snivanil, palta sc'anab'ajej jun ley chi' eb'. Yuj eb' ol ch'olb'itaj tas eyaji. Vach'chom ayoch jun yechel chi' d'ayex, ay pax ec' jun ley chi' d'a yol e c'ab', palta max e c'anab'ajej.

Ro 2:27 ပူးပေါင်းရင်းမြစ်များ

Mt 3:15

—Yowlal 'oj a b'o jun tic, yujto smoj tzqui yiclj jantcn̈ej tas tzyal Dios, xchi Jesús 'a 'a. 'Ixta to b'i'an, xyaln sc'ojl Juan cha.

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

Ro 13:10

A mach tzchamc'ojlan eb' yit 'anma'il, may junc maysch'olnil tzb'o 'a eb'. Yuj cha, toto 'ay qui chamc'ojlalec, man̈x 'a jac tzca'c palta 'a sley Dios.

Ro 2:15

A sb'eyb'al eb' tzch'oxni, to 'aych jun ley chi 'a snab'en eb', ax jun snab'en eb' chi tz'a'n cuenta. 'Ixta tzyutj eb' sch'oxn 'el sb'a, to 'aych jun ley chi 'a snab'en eb'. Mun a snab'en eb' tz'a'n yojcoc 'eli, toto wach' tzb'o eb', mto ma'ay.

Ro 2:20

Tze na'a, to tztac' e cuyn eb' may tas yojtac. Ax eb' mantzac nachj 'el yu'uj, tztac' eya'n nachjc 'el yuj eb' e nani. Yuj ley yic Moisés, caw tznachj 'el jun tzo'n̈ cuynb'il eyu'uj. Eyojc xo 'aj 'ay yel.

Ro 2:25

Yel toni, 'ay yopiso jun senya circuncisión sb'i 'aych 'a e niwnal, yic toto tzeyiclj smasnil tas tzyal 'a ley yic Moisés. Palta toto matz eyiclj jun ley cha, 'icha to man̈ ex 'ac'b'ilc circuncidar 'a sat Dios.

Ro 2:26

Ax eb' man̈ 'ayc 'och jun senya chi 'a sniwnal, toto caw tzyiclj eb' tas tzyal jun ley cha, ax 'a sat Dios, 'icha to 'ac'b'il circuncidar eb'.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

Ro 8:4

'Ixta yutjnac sb'a, sec tztac' tojl xoj tzcutjec qui b'a 'icha tzyal ley. Yujto an̈ec tic, man̈xtzac qui b'eylb'ejc 'icha tznib'j qui tu nab'enalec, wan qui b'eylb'anec 'icha tznib'j Yespíritu Dios.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.

Ef 2:11

Yuj cha, nac coti, tas 'ajnc ex man̈ ex israeloc 'a yic yalan̈. A eb' wit israelal, yaljnac eb' eyu'uj, chajtlto man̈ ex yico'oc Dios, yujto man̈toc 'ac'b'ilx circuncidar. Yujto a eb' cha, tzya'ch eb' jun senya circuncisión sb'i 'a sniwnal.

2 Ti 3:15

Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús.

A Ch'an̈ Carta D'a Eb' Hebreo 11:3

Yujto tzca'c 'och Dios 'a qui c'ojol, cojquec, an̈j yet' spaxti sb'ojnac can yolyib'n̈q'uinl tic, yet' jun tzo'n̈ tz'ec' 'a satcha'an̈. A jun tzo'n̈ tas tzquilc ticnec, b'ob'il yet' jun tzo'n̈ tas man̈ checloc.