Ro 2:22 - Chuj San Sebastian Bible

²² Tzeyaln paxi, to matz tac' e b'on 'ajmulal. Palta in tzlaj e b'o 'ajmulal cha. A jun tzo'n̈ tzalx 'och diosal, caw yajb'il eyu'uj. Palta 'in tz'at eyelc' 'elt junc tas 'a yol yatutal 'aj 'ayc' eb' cha.

Chuj San Mateo Bible

²² Tzeyalanpaxi to max yal quem ajmulal. Palta ayex tzex em ajmulal. A juntzan̈ comon dios, chacb'ilel eyuuj, palta ina elc'um ex d'a templo.

Ro 2:22 ပူးပေါင်းရင်းမြစ်များ

Salmos 50:17

'In matz yal e c'ojl tzex wa' cuenta, may pax yel'ch in paxti 'ayex.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Jeremías 9:2

¡Comnoc wal 'ay junc wet'l 'aj wach' in c'och cajn 'a cusltac lu'um, sec najt tzin 'elcn 'a stz'ey eb' wit chon̈b' tic! Yujto 'ix yij 'el sb'a eb' 'a stz'ey Dios, 'ixtm 'anma pax eb'.

Ez 22:11

'Ay eb' tzmuln yet' yistzil junc xo yit wincal, 'ay eb' tzmuln yet' yalib', 'ay eb' tzmuln yet' schab'l 'anab'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Malaquías 1:8

¿Tom wach' tze na'a, to an̈j 'ijnocn̈ej eya'n no noc' 'ay spaltail xajmb'al-l 'ayin: atn no matz uj yilni, no wecchjnac yet' no ya'ay? Q'uinloc tzeyij 'at jun tzo'n̈ noc' chi e siylab'oc 'a eb' eyajlil, ax eyilni, toto 'oj tzaljoc eb' schan 'ayex.

Malaquías 3:8

An xo tic tzin c'anb'n 'ayex: ¿Tom smoj tz'elc'w eb' 'anma 'a sDiosal? Ax tic caw tzin eyelq'uej. Tze c'anb'n to pax 'ixtic: ¿Tas 'aj tzach quelq'uej? xe chi. A tas 'aj in eyelq'uej, atn 'a e diesmo yet' 'a eyofrenda.

Mt 12:39

Yuj cha, xyaln 'ixtc 'a ewinac: —A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Ton̈j tze c'an eyil junc milagro, junc tzch'oxn spoder Dios. Palta cojxn jun milagro 'oj 'ajxoc eyila', atn jun 'icha sch'ojxnac Dios yet' jun schecb' Jonás sb'i.

Mt 16:4

A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Yuj cha, ton̈j tze c'an eyil junc milagro, junc tzch'oxn spoder Dios. Palta cojn jun milagro 'oj 'ajxoc eyila', atn jun 'icha sch'oxjnac Dios yet' win Jonás, xchi 'a eb'. Xlajw cha, xyactn can eb', 'ix 'atxi.

Mr 11:17

'Ix cuywj 'a eb', 'ix yaln 'ixtic: —Yaljnac can Dios 'ixtc 'a Ch'an̈ U'un̈: 'Oj alxoc yuj watut to yatutal lesl yaj yuj smasnil chon̈ab', xchi. Palta ax tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

A Tas Sc'ulejnac Eb' Schecab' Jesús Hechos 19:37

Yujto a ewin xeyij cot tic, may junc maysch'olnil sb'o ewin 'a spatc qui diosalec. Ma'ix b'uchwj ewin 'a 'ix.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.