Ro 2:21 - Chuj San Sebastian Bible

²¹ Caw cuywjum ex 'a jun tzo'n̈ xo mach. Palta ¿tas yuj matz e cuy pax wal e b'a? Tzeyala to matz tac' eyelc'wi, palta 'in 'elc'm ex.

Chuj San Mateo Bible

²¹ Te c'ayb'um ex d'a juntzan̈xo anima, palta ¿tas yuj max e c'ayb'ej e b'a a ex tic? Tzeyala' to max yal quelc'ani, palta ina elc'um ex.

Ro 2:21 ပူးပေါင်းရင်းမြစ်များ

Is 42:20

Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Mt 21:13

'Ix yaln 'ixtc 'a eb': —Yaljnac can Dios 'ixtc 'a Ch'an̈ U'un̈: 'Oj alxoc yuj watut, to yatutal lesl yaji, xchi. Palta ax xo tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

Lc 11:46

Palta xyaln pax Jesús 'ixtic: —¡An̈jtona', ax cuywjum ex 'a ley yic Moisés caw 'oltacx paxi! A jun tzo'n̈ e checnb'il, lajn 'icha junc 'ictz toxn matz q'ue xon jac cu'uj, tze tusb'tzej, tzeya'n scuch eb' 'anma'. Palta toxn matz eya'ch jac yune e c'ab' e t'un̈n chan̈ yictz eb' cha.

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Lc 4:23

Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

1 Co 9:27

Caw tzin tench wan in niwnal tic. Tzwac' cuenta in b'a si'mb'il. Yujto wach'xam til wal eb' xwawtj cot wet' 'a jun 'icha tajnel tic, palta toto matz wac' cuenta in niwnal tic, 'ay smay matz in chax 'och yet' eb'.

Gl 6:13

Wach'xam eb' tz'ajx circuncidar, matz yiclj eb' smasnil tas 'ay 'a ley yic Moisés. Palta ax eb' cha, tznib'j eb' tzex 'ajx circuncidar, sec wach' tztac' sb'an̈n sb'a eb' 'a e patquil. Toto 'ixta', tztac' yaln eb', chajtlto x'ajx 'och jun senya chi 'a e niwnal.