Ro 2:19 - Chuj San Sebastian Bible

¹⁹ A eb' man̈ 'ojtnacoc 'aj 'ay Dios, 'icha to matz tac' yiln eb'. Ax xo, tecn tze na'a, to tztac' e ch'oxn 'a eb' 'aj 'ay Dios. Yet' 'a eb' q'uic'q'uinl to yaj spixan, tztac' eya'n sacq'uinl 'a eb' e nani.

Chuj San Mateo Bible

¹⁹ A eb' man̈ ojtannacoc b'aj ay Dios, ichato max yal yilan eb'. A exxo tze na'a to syal e ch'oxan b'aj ay Dios d'a eb'. A eb' q'uic'alq'uinal to yaji, syal eyac'an saquilq'uinal d'a eb' e naani.

Ro 2:19 ပူးပေါင်းရင်းမြစ်များ

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Is 56:10

yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Mt 4:16

A eb' 'anma cha, wan sb'ey eb' 'a scal q'uic'q'uinal, palta 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha, xchi Isaías 'a Ch'an̈ Un̈ cha.

Mt 5:14

'Icha sacq'uinal, 'ixta 'ex 'a yolyib'n̈q'uinl tic. Q'uinloc 'ay junc chon̈b' 'a junc tzalan, caw matz tac' sc'ub'x 'eli.

Mt 6:23

Palta toto 'ayex, tzjuw 'el yol e sat, caw tzex can 'a q'uic'q'uinl yu'uj. A jun tz'a'n sacq'uinl 'ayex, toto tzsutmj 'och q'uic'q'uinlal, caw 'oj e cann̈j 'a q'uic'q'uinl yu'uj.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Ro 2:18

Eyojc xon tas tznib'j Dios, eyojc pax 'aj 'ay jun wach' tzqui b'o'o, yujto cuywnacx 'a ley yic Moisés.

Ro 2:20

Tze na'a, to tztac' e cuyn eb' may tas yojtac. Ax eb' mantzac nachj 'el yu'uj, tztac' eya'n nachjc 'el yuj eb' e nani. Yuj ley yic Moisés, caw tznachj 'el jun tzo'n̈ cuynb'il eyu'uj. Eyojc xo 'aj 'ay yel.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.