Ro 2:12 - Chuj San Sebastian Bible

¹² Jantcn̈ej eb' man̈ 'ojtnacoc ley yic Moisés, toto maysch'olnil sb'eyb'al eb', 'oj 'ajx can 'at eb' 'a chaml 'a jun 'ejmn̈ej. Man̈ yujoc jun ley cha, ax yajx can 'at eb'. Palta a jantcn̈ej eb' 'ojtnac jun ley cha, toto an̈ja maysch'olnil sb'eyb'al eb', yujn̈ej jun ley cha, ax sb'eyc'ojlax eb'.

Chuj San Mateo Bible

¹² Jantacn̈ej eb' man̈ ojtannacoc ley Moisés, tato chuc sb'eyb'al eb', ol ac'joccanb'at eb' d'a chamel d'a juneln̈ej. Man̈ yovaliloc a jun ley chi' ol ac'ancanb'at d'a yib'an̈ eb'. Palta jantacn̈ej eb' ojtannac jun ley chi', tato an̈eja' chuc sb'eyb'al eb', a ley chi' ol ch'olb'itan tastac yaj eb'.

Ro 2:12 ပူးပေါင်းရင်းမြစ်များ

Mt 11:22

Yuj cha, tzwal 'ayex, at 'a yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'ayx 'a yib'n̈ eb' 'aj Tiro yet' eb' 'aj Sidón.

Mt 11:24

Yuj cha, tzwal 'ayex, at 'a yic 'oj jawc jun c'u yic b'eyc'ojlal cha, yel xo wal niwn yailal 'oj 'ajxc 'ayx 'a yib'n̈ eb' 'aj Sodoma cha, xchi Jesús.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Ro 4:15

Yujn̈ej jun ley cha, tz'ajx cot yailal 'a yib'n̈ eb' 'anma'. Q'uinloc may jun ley chi ticnec, toto 'ixta', may am mach tztenn 'ec' jun ley cha.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

1 Co 9:21

Ax yic 'ayn 'ec' 'a scal eb' man̈ israeloc, eb' man̈ 'ayc 'och snab'en 'a jun ley cha, lajn tzwutj in nab'en yet' eb', sec 'ay eb' tzmontchj wu'uj. Palta smasnil tiempo, yowlal tzin yicljn̈ej sley Dios, yujto 'aych in nab'en 'a sley Cristo ticnec.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

Santiago 2:10

Wach'xam tzqui yicljec smasnil sley Dios, palta toto 'ayt junc matz qui yicljec, tzyal 'el'chi, wan qui te'nec can 'ejm sley chi smasnil.