Ro 2:10 - Chuj San Sebastian Bible

¹⁰ Ax jantcn̈ej eb' wach' tzyutj sb'a, 'oj yac' Dios swach'l 'a eb'. Niwn 'oj 'aj 'el'ch eb' 'a sat. Junc'ojlal xoj 'oj can eb' yet'oc. A eb' wit israelal wach' tzyutj sb'a, yel xo wal 'oj yac' jun tzo'n̈ tic 'a eb', 'oj yac' pax 'a eb' man̈ israeloc.

Chuj San Mateo Bible

¹⁰ Axo eb' vetisraelal yed' eb' man̈ israeloc, ol yac' svach'il Dios d'a eb'. Nivan ol aj yelc'och eb' d'a yichan̈. Junc'olal ol aj eb' yed'oc, tato vach' syutej sb'a eb'.

Ro 2:10 ပူးပေါင်းရင်းမြစ်များ

Job 22:21

¿Tas yuj matz ach 'ochx 'a junc'ojlal yet' Dios, sec wach' 'oj ya'x a ricoal jun 'ejm xo?

Salmos 15:2

Atn eb' tic: Eb' yiclum 'ayach, eb' to wach' tas tzb'o'o, eb' tzaln tas yel yet' smasnil sc'ojol.

Salmos 29:11

Tzyac' yip eb' schon̈ab', tzya'n syaxil yet' sjunc'ojlal 'a yib'n̈ eb'.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Pr 8:18

Yuj jelnal, tz'och junc mach ricoal, caw wal tzb'inaxi, 'ay pax yel'chi.

Is 26:12

Ach tzac' qui junc'ojlal on̈. O'oj, yuj cha, wach' tz'aj 'el'ch smasnil tas tzqui b'o 'on̈.

Is 32:17

Yujto tzb'eylb'ax tojlal cha, yuj cha, 'ay junc'ojlal, tzaljc'ojlal, yet' wach' nab'enal 'a smasnil tiempo.

Is 48:18

Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.

Is 48:22

Ax eb' maysch'olnil tas tzb'o'o, may jac wach'l 'oj yil eb', xchi Dios.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Nm 6:26

Yet' cab' schamc'ojlal Jehová, tzex yiln 'ochi, tzya'n pax sjunc'ojlal 'ayex, 'oj schic cab' eb'.

Mt 10:13

Toto smoj eb' 'ixta', 'el'ch cab' 'icha 'oj eyal 'a eb'. Palta toto man̈ smojc eb' 'ixta', matz 'el'ch cab' 'icha 'oj eyal 'a eb' cha.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Lc 12:37

A wal eb' moso chi pitzan yic tzjaw spatron̈ cha, caw wach' yic eb'. Wal yel tzwal 'ayex, caw a win patron̈ chi 'oj 'a'n 'ejm wocn eb' smoso chi wa'oc, ax ya'n servil win eb'.

Lc 19:42

'Ix yaln 'ixtic: A wal 'a jun c'u tic ex 'aj chon̈ab', octom wal xnachj 'el eyu'uj, chajtl tzeyutj e chan sjunc'ojlal Dios. Palta a ticnec, man̈xtzac stac' snachj 'el eyu'uj, yujto c'ub'b'ilx 'el 'ayex.

Lc 22:14

Ax yic xc'och hora, 'ix c'och Jesús yet' eb' scuywum, 'ix 'och oyn eb' 'a te mexa wa'oc.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Tas Sc'ulejnac Eb' Schecab' Jesús Hechos 10:35

Tzann̈j mach 'ay xiwc'ojlal 'a Dios, wach'xam man̈ israeloc, caw tzalj yet'oc, toto wach' sb'eyb'al.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Ro 2:9

Jantcn̈ej eb' tzb'on maysch'olnil, caw 'oj yab' eb' syal si'mb'il. Caw cusc'ojlal yic eb'. Yel xo wal 'oj 'ajxc 'och 'a yib'n̈ eb' wit israelal. 'Oj 'ajxc pax 'och 'a yib'n̈ eb' man̈ israeloc.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 9:21

Yujto a jun tz'acum, a 'ay yaln yic stz'acn lum 'icha tznib'ej. Wach'xam junn̈j slumal tzc'ana, palta 'ay yaln yic sb'on jun chen caw jay, tzb'on pax junc pim tzyutej.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Scarta San Pablo D'a Eb' Aj Filipos 4:7

Toto 'ixta tzcutjec qui b'a, 'oj yac' Dios sjunc'ojlal 'ayn̈ec. A sjunc'ojlal tic, matz nachj 'el cujec, yujto man̈x 'a yalnb'il jantac. A sjunc'ojlal tic, a tztan̈wni qui pixnec, yet' qui nab'enec, yujto yic on̈c xo Cristo Jesús.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

A Ch'an̈ Carta D'a Eb' Hebreo 2:7

'Ay jab' stiempoal ma'on̈ tza'wni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈. 'Ay cab' pax quel'ch on̈.

Santiago 2:22

Nachj cab' 'el eyu'uj, chajtlto yujn̈ej to ya'jnac 'och Dios 'a sc'ojol, tztac' sb'on jun chi 'ixta'. At yic sb'on jun cha, xcheclj 'eli, chajtlto caw yel 'aych sc'ojl 'a Dios.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.