Ro 16:26 - Chuj San Sebastian Bible

²⁶ Palta ax ticnec, a tz'a'n 'ojcaxc 'el jun 'ab'x tic atn tas tz'ib'b'il can 'a Ch'an̈ Un̈ yuj eb' schecab'. A Dios 'ayc'n̈ej 'a smasnil tiempo. A tzalni, chajtlto a eb' 'anma 'a junjn chon̈ab', yowlal tzyojquej 'el eb' jun 'ab'x tic, sec 'oj ya'ch eb' sc'ojl 'a 'a, ax syiclni eb'.

Chuj San Mateo Bible

²⁶ Palta axo ticnaic, syac' jun ab'ix tic yojtaquejel eb' anima yuj Slolonel tz'ib'ab'ilcan yuj eb' schecab' d'a peca'. A Dios chi', ayn̈ej ec' d'a masanil tiempo. A tz'alani to a eb' anima ay d'a junjun chon̈ab', yovalil syojtaquejel jun ab'ix tic eb', yic ol yac'och eb' d'a sc'ool, axo sc'anab'ajan eb' chi' ta'.

Ro 16:26 ပူးပေါင်းရင်းမြစ်များ

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

Is 40:28

¿Tom mant eyojcoc? ¿Tom mant 'a 'aj eyab'jnac to a Jehová Dios 'ayc' 'a jun 'ejmn̈ej? A b'ojnac smasnil yolyib'n̈q'uinl tic. May b'a'n̈ tz'el yip, may tz'aj sc'unb'i, may mach tza'wni snab'en 'a 'icha snab'en.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Mr 16:15

Xlajw cha, xyaln 'a eb' 'ixtic: 'Ixquec 'a smasnil yolyib'n̈q'uinl tic, alc 'el wach' 'ab'x yic colnb'il 'a scal smasnil 'anma'.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

Ro 1:2

A 'a pecti', ya'jnac can Dios sti yuj jun wach' 'ab'x tic. A eb' schecab', a eb' tz'ib'jnac can 'a Ch'an̈ Un̈ yic xon Dios yaji.

Ro 1:20

Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

Ro 15:18

Matz tac' walni, tas b'ob'il yuj jun tzo'n̈ xo eb' tz'a'n servil Dios. Palta matz in xiw walni, tas 'ix sb'o Cristo wet'oc, yic 'ix ya'n syiclc eb' man̈ israeloc. Yujto an x'ec' wal-l yab'x eb', xin ch'oxn jun wach' b'eyb'al 'a eb'.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ro 3:21

A ticnec, 'ix checlj 'eli, chajtl tzon̈ 'ajc coch wach'l 'a sat Dios. Man̈ yujoc qui yiclniec ley yic Moisés 'ixta tzon̈ 'ajec. Palta a Ch'an̈ Un̈ 'aj tz'ib'b'il can ley cha, ata tzyala, tas tzon̈ 'ajc coch wach'il. Ata alb'il can yuj eb' schecb' Dios pecti'.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

A Scarta San Pablo D'a Eb' Aj Colosas 1:26

'Ay jun tas c'ub'b'il 'el yuj Dios 'a yictax mant 'a yolyib'n̈q'uinl tic. Palta ax ticnec, a x'a'n cojcoquec 'el an̈ yic on̈c xo tic. A 'a'jnac wopiso waln 'el jun tic.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

2 Ti 1:10

At yic swulc' qui Colmal Jesucristo, atta 'ix checlj 'el swach'c'ojlal Dios 'ayon̈. A Jesucristo x'a'n lajwc spoder chamel. Yuj jun wach' 'ab'x yic colnb'il, xcheclj 'eli, to a tz'a'n qui q'uinl 'a jun 'ejmn̈ej. Yuj cha, man̈x 'a yel'ch chaml 'ayn̈ ticnec.

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.