Ro 16:17 - Chuj San Sebastian Bible

¹⁷ Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

Chuj San Mateo Bible

¹⁷ Ex vuc'tac ex vanab', ay eb' ay d'a e cal van yac'lan e poj e b'a. Syac'lan pax eb' yac'an juvoquel e pensar. Palta man̈ ichoc ta' syal juntzan̈ c'ayb'ub'al b'aj c'ayb'ab'il ex. Yuj chi', tzeyil val e b'a d'a eb'. Yovalil tzeyiq'uel e b'a d'a eb'.

Ro 16:17 ပူးပေါင်းရင်းမြစ်များ

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Lc 17:1

'Ix yaln Jesús 'a eb' scuywum 'ixtic: —Yowlal 'ay jun tzo'n̈ tas tz'a'n juwc 'el qui nab'en; palta 'oltac wal eb' tz'a'n juwc 'el snab'en eb' yit 'anma'il.

A Tas Sc'ulejnac Eb' Schecab' Jesús Hechos 15:24

'Ix cab' on̈ to 'ay jun tzo'n̈ eb' mun x'at 'a qui cal on̈, xc'och eb' 'ayex. Palta man̈oc on̈ checjnac 'at eb' on̈. 'Ix cab' on̈ to tzex 'ixtx yuj tas tzyal eb' 'ayx ta'. Tecn 'ijn tzsomchj 'el e nab'en yuj eb', yujto tzyal eb' 'ixtc 'ayex: Yowlal tzex 'ajx circuncidar, yowlal tzeyiclj tas tzyal ley yic Moisés, xchi cob' eb'.

1 Co 11:18

Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.

A Scarta San Pablo D'a Eb' Aj Filipos 3:17

Ex wu'tac, ex wanab', caw tze b'eylb'ej in b'eyb'al tic. An̈ tic on̈, tox xqui ch'ox jun wach' b'eyb'al eyil on̈. Yuj cha, 'iltec sb'eyb'al eb' lajn sb'eyb'al quet' on̈, sec tze b'eylb'ej pax 'ixta'.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

Tito 3:10

Toto 'ay eb' tznib'j tzyac' spojl sb'a eb' creyente, jun 'ejem, mto cha'ejm tza tench wan eb'. Toto matz yiclj eb', caw tzej 'el eb' 'a scal eb' creyente cha.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.