Ro 15:24 - Chuj San Sebastian Bible

²⁴ Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

Chuj San Mateo Bible

²⁴ Yuj chi' tzin na' to ayic ol in b'at d'a España ol in ec' ex vila', yic ol in tzalaj ex vilani. Ol lajvoc vec' jayeoc c'ual eyed' ta', in gana ol ex colvaj ved'oc yic ol in c'och d'a España chi'.

Ro 15:24 ပူးပေါင်းရင်းမြစ်များ

Pr 25:17

'Ixta pax yic tzex 'at e c'umc eb' cajn 'a e tz'ey. Man̈toc juntc 'ipn̈ej tzex c'och 'a eb', ax 'oj 'ajoc, tu 'oj yil eb' yic tzex cochx 'a eb' cha.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 19:21

Xlajw jun tzo'n̈ cha, 'ix snan Pablo, to 'oj 'ec' 'a yol yic Macedonia yet' 'a yol yic Acaya, ax sc'och 'a Jerusalén, 'ix yaln 'ixtic: —'Oj lajwc cha, yowlal 'oj in c'och 'a Roma, xchi.

A Tas Sc'ulejnac Eb' Schecab' Jesús Hechos 21:5

Ax yic xlajw uque c'u cha, on̈ 'atx on̈. Ax eb' creyente chi smasnil, yet' yistl eb', yet' yunnal eb', c'uxn x'at eb' quet' on̈, masnto xit' on̈ ya'cn eb' 'a sti 'el chon̈ab'. Ata on̈ 'em cumn 'a sti a mar, on̈ leslwi yet' eb' on̈.

Ro 1:12

Tzin nib'ej, a yic 'oj in c'och eyet' ta', 'oj laj qui mol jucb'tzoquec qui b'a 'a tzaljc'ojlal. Yujto jun lajnn̈ej tzcutjec ca'n 'och Cristo 'a qui c'ojol.

Ro 15:28

Yuj cha, yowlal 'oj 'ec' wa'cn jun ofrenda tic 'a eb' 'aj Jerusalén. 'Oj lajwc cha, ax 'ec' ex wilnoc, yic wan in 'at 'a España.

2 Co 1:16

Nab'il xo wu'uj, to tz'ec' ex wila', 'ixta to b'i'an, tzin jaw 'a Macedonia tic. Ax yic tzin meltzj pax 'a tic, tzex 'ec' wilnc pax jun 'ejm xo in nani. Toto 'ixta', tztac' tzex colwj 'ayin, yic tzin 'atx 'a Judea.

3 Jn 1:6

'Ay eb' 'ix aln 'a sat eb' yic iglesia tic, chajtlto caw 'ay a chamc'ojlal ta'. Comnoc tzach colwj 'a eb', yic tz'at eb' 'a 'ajtc tz'ati. Smoj 'ixta tzotj a colwj 'a eb', yujto 'ixta tznib'j Dios.