Ro 15:2 - Chuj San Sebastian Bible

² Junjn on̈ec, qui b'oc 'icha tznib'j eb' quit creyenteal, sec caw wach' yic eb'. Toto 'ixta', 'oj 'och ste'nal eb' 'a screyenteal.

Chuj San Mateo Bible

² Co c'ulejec junjun on̈ icha sgana eb' yicxo Dios, sec yuj chi' vach' ol aj snaan eb'. Tato icha chi', ol tec'c'aj eb'.

Ro 15:2 ပူးပေါင်းရင်းမြစ်များ

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

1 Co 10:23

Tecn 'ayx tzeyal 'ixtic: Libre cajc qui b'on smasnil tas, xe chi. Yel toni libre caji, palta man̈ smojc qui b'onec smasnil. Yel toni, libre qui b'onec smasni tas, palta man̈ smasnilc jun tzo'n̈ chi tz'a'n ste'nal qui nab'enec.

1 Co 10:24

Junjn on̈, matz tac' qui b'on 'icha tzqui nib'j 'a yol quico'. Yowlal tzqui sayc' tas tzcutjec ca'n ste'nal jun tzo'n̈ xo eb'.

1 Co 10:33

An xo tic, jantcn̈ej tas tzin b'o'o, tzwa'lj wa'n stzaljc'ojlal smasnil 'anma'. Man̈toc mun wic tzin sayq'ui, yic tzin chan swach'il. Palta tzin say yic jun tzo'n̈ xo 'anma', sec wach' toq'ue 'oj colchjoc 'el eb'.

1 Co 13:5

Toto yel 'ay qui chamc'ojlalec, may 'aj tzca'c sq'uixwloc junc xo mach. Tzqui nib'ej, man̈oc on̈n̈ej 'ay caln quico'. Man̈ 'utznoc tzcutjec qui c'ojol. May 'aj tzqui na'ec, tas tzcutjec ca'n qui pac 'a junc mach.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

1 Co 14:3

Palta a mach tzaln 'el spaxti Dios, a 'a eb' yit 'anmal tzyal-li, sec tz'och ste'nal eb'. Toto 'ixta', caw tzjaw snab'en eb', tz'ajx sniwnal sc'ojl eb' yu'uj.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

Ef 4:12

'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.