Ro 15:1 - Chuj San Sebastian Bible

¹ An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

Chuj San Mateo Bible

¹ A on̈ tec'an on̈xo tic, snachajel cuuj to malaj yovalil juntzan̈ chi', palta ay eb' manto tec'anoc, xiv eb' yuuj. Yuj chi' quic yaj cac'an techajoc, yujto manto te tec'anoc eb', yic max somchajel eb' cuuj. Max yal an̈ej tas co gana sco saya'.

Ro 15:1 ပူးပေါင်းရင်းမြစ်များ

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Ro 14:2

Yujto a eb' creyente 'ayx ste'nal, yojc eb', to tzann̈j tas tztac' sc'uxn eb'. Palta 'ay pax eb' mant 'a ste'nal. Yuj cha, tzat xiw eb' schin chib'ej, cojxn jun tzo'n̈ te 'itj tzlo eb'.

Ro 4:20

A yic ya'n can Dios sti 'a winac, man̈ chab'c'ojlalc yutjnac win yab'ni. Caw ya'jnac 'och win 'a sc'ojol. Caw te'n yutjnac win snab'en. Yaljnac win wach' paxti 'a Dios,

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 9:22

Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

A Scarta San Pablo D'a Eb' Aj Filipos 2:4

Man̈ cojnoc on̈ tzqui na qui b'a qui ch'ocoj. Yowlal tzqui na pax tas tz'aj eb' quit creyenteal smasnil.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

1 Jn 2:14

Ax xo 'ichm creyente ex, tzin tz'ib'j 'at 'ayex, yujto eyojc xo pax jun 'ayc' xoni, yictax mantzac b'o yolyib'n̈q'uinl tic. Ax xo te'n exx 'a e creyenteal, xeya'ch spaxti Dios 'a e c'ojl wet'oc. 'Ix can pax win diablo 'a yaln̈ eyu'uj. Yuj cha, tzin tz'ib'n pax 'at 'ayex.