Ro 14:3 - Chuj San Sebastian Bible

³ An̈ec tzqui c'uxc smasnil tas, matz tac' qui b'uchwjec 'a eb' matz c'uxn jun tzo'n̈ cha. An̈jtona', a eb' matz c'uxn jun tzo'n̈ cha, matz tac' sb'uchwj pax eb' 'ayn̈ec, yujto chab'iln̈ec yuj Dios yet' eb'.

Chuj San Mateo Bible

³ Palta a on̈ sco chi masanil tasi, max yal co b'uchan eb' max chi'an qued'oc. An̈ejtona', a eb' max chi'an juntzan̈ chi' qued'oc, max yal on̈ yalub'tan̈an eb', yujto chab'ilon̈xo yuj Dios yed' eb'.

Ro 14:3 ပူးပေါင်းရင်းမြစ်များ

Zacarías 4:10

A jun tzo'n̈ eb' may yel'ch 'a sat yic 'ix 'el yich jun munljel cha, ax yic 'oj yilnc eb' to wan ya'n 'och Zorobabel plomo yic tztojlb'tzan 'och q'uen slajb' q'uen tz'och 'a watut cha, caw 'oj tzaljoc chan̈ eb', xchi Dios. Xlajw cha, 'ix yaln pax jun ángel chi 'ixtic: A uque cantil cha, a tzch'oxni 'icha to 'ay uque yol sat Jehová, yujto c'uxn tzyil smasnil yolyib'n̈q'uinal, xchi.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

Mt 9:14

A 'a jun 'el, 'ix c'och eb' scuywum Juan Bautista 'a Jesús, 'ix sc'anb'n eb' 'ixtc 'a 'a: —¿Tas yuj matz 'och eb' a cuywum 'a c'ajb'c'ojlal? Aln̈ tic on̈, caw tzca'ch qui b'a 'a c'ajb'c'ojlal on̈. An̈jtona', 'ixta pax tzyutj sb'a eb' fariseo, xchi eb' 'a 'a.

Lc 18:9

'Ix yaln Jesús junx 'ab'x 'a jun tzo'n̈ eb' tzyal wach'l sb'a, palta may yel'ch yit 'anmal eb' 'a sat. Yuj cha, xyaln 'ixtc 'a eb':

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.

A Tas Sc'ulejnac Eb' Schecab' Jesús Hechos 10:44

Ax yic wan yaln Pedro cha, 'ix 'ochcn Yespíritu Dios 'a jantcn̈ej eb' wan yab'xni cha.

A Tas Sc'ulejnac Eb' Schecab' Jesús Hechos 28:2

Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Ro 14:10

Yuj cha, caw matz tac' qui b'eyc'ojlanec junc quit creyenteal. Matz tac' calnec paxi to may yel'ch eb'. Yujto qui masnilec, yowlal 'oj qui c'ochc 'a yojltac Dios, ax qui b'eyc'ojlaxc yu'uj.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

Ro 14:15

Q'uinloc 'ay junc tas 'ay yowlal sc'uxx yuj jun tzo'n̈oc eb' quit creyenteal. Toto yuj tzqui c'uxu, yuj cha, tzcus eb', toto 'ixta', may qui chamc'ojlalec 'a eb'. Palta a Cristo 'ix cham pax yuj eb' quet'ec. Yuj cha, caw 'ay smay toto tzjuw 'el snab'en eb' yuj junc tas tzqui c'uxc cha.

Ro 14:21

Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

Ro 15:7

Yuj cha, yowlal tzqui chajec 'och smasnil eb' quit creyenteal quet'oc, yujto 'ixta on̈ yutjec Cristo on̈ schan 'och yico'oc, sec tzcheclj 'eli, to caw niwn swach'l Dios.