Ro 14:22 - Chuj San Sebastian Bible

²² Yujto 'aych qui c'ojlec 'a Dios, yuj cha, tznachj 'el cujec, to may junc tas 'ay yowlal yu'uj. Palta mun tzqui nac jun tzo'n̈ tic 'a sat Dios. A jun tzo'n̈ tas tzqui b'o'ec, toto cojtac may yowlal yuj Dios, caw wach' quiquec.

Chuj San Mateo Bible

²² Yujto cac'nacoch Dios d'a co c'ool, yuj chi' snachajel cuuj to malaj junoc tas ay yovalil yuj Dios chi'. Palta munil sco na juntzan̈ tic d'a yichan̈ Dios. A juntzan̈ tas sco c'ulej, tato cojtac to malaj yovalil d'a yichan̈ Dios chi', te vach' quico'.

Ro 14:22 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 14:2

Yujto a eb' creyente 'ayx ste'nal, yojc eb', to tzann̈j tas tztac' sc'uxn eb'. Palta 'ay pax eb' mant 'a ste'nal. Yuj cha, tzat xiw eb' schin chib'ej, cojxn jun tzo'n̈ te 'itj tzlo eb'.

Ro 14:23

Palta a yic tzqui c'uxnec junc tas, toto tzqui na'ec to 'ay yowlal yuj Dios, toto 'ixta', tz'och qui mulc 'a 'a, yujto matz ca'c 'och 'a qui c'ojol to wach' tzcutjec qui b'a. Tzann̈j tas tzqui b'o'ec, toto matz ca'c 'och 'a qui c'ojol, to wach' 'a sat Dios, to 'ixta', tz'och qui mulc 'a Dios yu'uj.

Ro 14:5

'Ay eb' creyente tzalni, to 'ay jun tzo'n̈ c'u yel xo niwn yel'chi. 'Ay pax eb' tzalni, to lajnn̈ej junjn c'u, may junc yel xo niwn yel'chi. Yuj cha, qui nac jun tic 'a qui jolm junjn on̈ec, 'aj tzon̈ canec.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Ro 7:15

Yujto a jun tzo'n̈ tas tzin b'o'o, man̈ wach'c tzwila. 'Ay jun tzo'n̈ tas wach' tzin nib'j in b'o', palta matz in b'o'o. Ax wal jun tzo'n̈ tas maysch'olnil 'a in sat, a tzin b'o'o.

Ro 7:24

Caw 'oltac tzin 'aj yu'uj. A jun in niwnal tic, a tzin 'i'n 'at 'a chaml 'a jun 'ejmn̈ej. Palta ¿mach tztac' in scoln 'el 'a yol sc'ab' jun in niwnal tic?

1 Co 8:7

Palta man̈ smasnilc eb' creyente tznachj 'el jun tzo'n̈ tic yu'uj. 'Ay eb' caw ya'jnac 'och sc'ojl 'a jun tzo'n̈ tzalx 'och diosal cha. Yuj cha, a jun tzo'n̈ tas tz'ajx xajmb'al-l cha, yicn̈ej jun tzo'n̈ tzalx 'och diosal chi snan eb'. A jun snab'en eb' tz'a'n cuenta cha, mant 'a ste'nal. Yuj cha, tzjuw 'el snab'en eb' yic tzchin eb' jun tzo'n̈ xajmb'al cha.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Gl 6:1

Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

1 Jn 3:21

Ex wu'tac, ex wanb' chamc'ojlb'il wu'uj, toto cojquec, to wach' qui b'eyb'alec 'a sat Dios, matz on̈ xiwc qui leslwi 'a 'a.