Ro 14:21 - Chuj San Sebastian Bible

²¹ Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

Chuj San Mateo Bible

²¹ Yuj chi', tato ay eb' somchajel spensar yujto sco chi noc' chib'ej, ma yujto scuq'uej vino, ma yuj junocxo tas sco c'ulej, tato icha chi', más vach' scactejcan co c'ulan juntzan̈ chi'.

Ro 14:21 ပူးပေါင်းရင်းမြစ်များ

Malaquías 2:8

Ax xo ax ya'malx 'och sti eb' 'anma tic 'ayin, caw wal xeyij 'el e b'a 'a tas wach'. Yuj wal cuynb'il tzeyac' cuyxoc, yuj cha, til xo wal eb' xtelw 'ejm eyu'uj. An tzwala, to caw xeyixtj 'el in trato wa'jnac can yet' eb' e mam eyicham.

Mt 13:21

palta may ste'nal eb', matz b'ey wal tiempo yuj eb'. Yujto a yic tzjaw yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'.

Mt 16:23

Palta x'och wal q'ueln Jesús 'a 'a, 'ix yaln 'ixtic: —Ach Satanás 'eln̈ 'a in tz'ey, yujto tza nib'j tzac' juwc 'el in nab'en. Man̈oc jun tzo'n̈ tas yic Dios 'aj tza'ch a nab'en. An̈j jun tzo'n̈ yic 'anma 'aj 'aych a nab'en, xchi 'a 'a.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

A Ch'an̈ Carta D'a Eb' Hebreo 12:13

Caw tze say jun tojl b'eyb'al 'aj tzex b'eyi. Toto 'ixta', ax xo 'icha to coxo eyoc, 'oj wach' b'o e nab'en, ma'oj e wach' juwi.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.