Ro 14:2 - Chuj San Sebastian Bible

² Yujto a eb' creyente 'ayx ste'nal, yojc eb', to tzann̈j tas tztac' sc'uxn eb'. Palta 'ay pax eb' mant 'a ste'nal. Yuj cha, tzat xiw eb' schin chib'ej, cojxn jun tzo'n̈ te 'itj tzlo eb'.

Chuj San Mateo Bible

² A eb' creyente tec'anxo, yojtac eb' smasanil tas syal co chi'ani. Axo eb' manto tec'anoc, tzato xiv eb' schi'an noc' chib'ej, an̈ej an̈ itaj schi eb'.

Ro 14:2 ပူးပေါင်းရင်းမြစ်များ

Gn 1:29

'Ix yaln pax 'a eb' chawn̈ chi 'ixtic: An tzwac' junjn c'aj te te tic 'ayex, te 'itj 'ay yin̈til, yet' smasnil te te tzyac' sat. A te tze lo'o, yic tz'ec' tiempo eyu'uj.

Gn 9:3

A smasnil no noc', tztac' e chin e no', tztac' e lon smasnil te 'itaj, yujto an tzwac' 'ayex.

Pr 15:17

Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.

Dn 1:12

—Tzin tew 'ayach, to tzon̈ ac' prowal lajn̈ec c'u an̈ a checb' on̈ tic, matz ac' qui chi chib'j on̈, palta comnn̈ej cab' jac tas tzac' qui c'ux on̈, cojn pax a a tzac' cuc' on̈.

Dn 1:16

Yuj cha, ax win yilmal eb' cha, ax win tz'i'n can tas tz'ajx sc'ux eb', yet' yal uva tz'ajx yuc' eb', ax tas comnn̈ej cha, a chi tzyac' win sc'ux eb'.

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 14:20

Caw 'ay smay sjuw 'el smunljel Dios 'a spixn eb' quit creyenteal yuj tas tzqui c'uxec. Yuj cha, caw man̈ qui b'oc 'ixta'. Yel toni, may junc tas 'ay yowlal qui c'uxnec yuj Dios. Palta toto 'ay eb' tzsomchj 'el snab'en yuj tas tzqui c'uxec, yowlal tzcactjec can qui c'uxni.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

1 Co 10:25

Al ticnec, tzann̈j cab' chib'jal tzchon̈x 'a plas, tzta'n̈j e mann e chi'. Matz e c'anb'ej, 'aj tzcoti, sec wach' ax jun e nab'en tzex 'a'n cuenta, matz juw 'el yu'uj.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.

1 Co 9:22

Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

Gl 2:12

Yujto a yic sc'och ta muc'uc, swa yet' eb' creyente man̈ israeloc. Palta ax yic sc'och jun tzo'n̈ eb' schecb' Santiago 'a Antioquía cha, yi'n 'el sb'a, man̈x 'ic wa yet' eb'. Yujto tzxiw 'a jun tzo'n̈ eb' an̈ja 'aych snab'en 'a ley yic Moisés.

1 Ti 4:4

Smasnil tas b'ob'il yuj Dios, caw wach'. Yuj cha, matz tac' calni to maysch'olnil 'a sat Dios. Tzta'n̈j qui c'uxn smasnil, tzca'n yuj diosal 'a Dios yu'uj.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.