Ro 13:7 - Chuj San Sebastian Bible

⁷ Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.

Chuj San Mateo Bible

⁷ A eb' yajal sc'anan tumin yuj ley, yovalil scac' d'a eb'. Vach'chom ch'an̈ ornato, ch'an̈ co derecho, yovalil sco tup d'a eb' icha syal ley. A eb' yajal chi', tato smoj co xiv d'a eb', xivoc on̈ d'a eb'. Tato smoj ay yelc'och eb', ayocab' yelc'och eb' d'ayon̈.

Ro 13:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:17

'Ix yaln jun 'ix 'a win 'ixtic: —¡'O'ltacn mamin rey! An tic yet' jun 'ix tic, junn̈j n̈a 'aj cajn on̈, a yic xc'och sc'ul yalj wune', 'ayc' 'ix wet' tic 'a te n̈a cha.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Pr 24:21

Ex wunnal, 'ay cab' yel'ch Jehová 'a e sat yet' pax win rey. Man̈ eya'ch e b'a yet' eb' 'ajc'ojl yajch 'a win rey cha,

Pr 3:27

Man̈ a b'asc junc tas 'a junc mach tznib'j tzach colwj 'a 'a. Toto 'ay tas 'ay 'a yol a c'ab' tzela, 'ac' 'a jun cha.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Mt 17:25

—Tzyac'a, xchi 'a eb'. Ax yic x'ochx Pedro chi 'a yol n̈a, a Jesús 'ix b'ab'l aln 'ixtc 'a 'a: —Simón, ¿tas tza na'a? A jun tzo'n̈ tumn tztecx 'el yuj eb' rey yic yolyib'n̈q'uinl tic, ¿machm tz'a'ni? ¿Am eb' yunnal eb' tz'a'ni, mto a eb' comn 'anma'? xchi 'a 'a.

Mt 22:21

—Atn yechl win yajl 'a Roma, yet' sb'i tic, xchi eb'. —A tas yic xon win yajl cha, 'a'c 'a winac. Palta a tas yic xon Dios yaji, 'a'c 'a 'a, xchi 'a eb'.

Mr 12:17

Yuj cha, xyaln Jesús 'ixtc 'a eb': —A tas yic xon win yajl cha, 'a'c 'a winac, palta a tas yic xon Dios yaji, 'a'c 'a 'a, xchi 'a eb'. Ax yic xyab'n eb' jun tzo'n̈ cha, ton̈j 'ix sat sc'ojl eb' yu'uj.

Lc 20:22

Yuj cha, tzqui c'anb'j 'aych on̈, a jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

Lc 20:25

—A tas yic xon win yajl cha, 'a'c 'a winac, palta a tas yic xon Dios yaji, 'a'c 'a 'a, xchi 'a eb'.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

Ro 13:6

Yuj cha, yowlal tzca'c qui tojlb'al 'a eb' 'icha tzyal ley, yujto 'aych yopiso eb' yuj Dios. Wan smunlj eb' 'a jun yopiso cha.

Ef 5:33

An̈jtona', tzyaln pax eyuj junjn ex ax 'ichmilab'il ex, chajtlto tze chamc'ojlej eyistzil, 'icha tzeyutj eya'iln e b'a junjn ex. Tzyaln pax eyuj ax 'istlab'il ex, to yowlal niwn cab' yel'ch eyichmil 'ayx junjn ex.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

1 Ti 6:1

An̈jtona', tzwalb't 'aych yuj eb' creyente 'aych mosoal. Niwn cab' yel'ch spatron̈ eb' 'a sat, sec wach' ma'oj b'uchxoc Dios yuj sb'eyb'al eb'. Yet' jun tzo'n̈ cuynb'il 'aj tzca'ch qui nab'en, ma'oj b'uchxoc pax yuj eb'.

A Sb'ab'el Carta San Pedro 3:7

Ax xo ex 'ichmilab'il, caw wach' tzeyutj e nab'en 'a eyistzil. Nachj cab' 'el eyu'uj, to lajn eb' 'icha junc chen c'un spoji. 'Ay cab' yel'ch eb' 'a e sat, yujto junn̈j e q'uinl xe chaj yet' eb' yuj swach'c'ojlal Dios. 'Ixta tzeyutj e b'a 'a eb', sec ma'oj juwc e lesl yet' eb'.

A Ch'an̈ B'ab'el Libro Samuel 12:18

Xlajw cha, xtew Samuel 'a Jehová, yajn̈j wal cha, xc'an̈ c'u, xcot n̈ab'. Ax smasnil eb' chon̈ab', caw xiw eb' 'a Jehová yet' 'a Samuel.