Ro 13:6 - Chuj San Sebastian Bible

⁶ Yuj cha, yowlal tzca'c qui tojlb'al 'a eb' 'icha tzyal ley, yujto 'aych yopiso eb' yuj Dios. Wan smunlj eb' 'a jun yopiso cha.

Chuj San Mateo Bible

⁶ Yuj chi' yovalil scac' co tumin d'a eb' icha syal ley, yujto a Dios tz'ac'an yopisio eb'. Van pax smunlaj eb' d'a jun yopisio chi'.

Ro 13:6 ပူးပေါင်းရင်းမြစ်များ

A Ch'an̈ Schab'l Libro Samuel 8:5

Xlajw cha, xjaw eb' sirio 'ay 'a yol yic Damasco, yic tzwul colwjoc eb' yet' Hadad-ezer win sreyl Soba cha, palta xlajw 'el eb' sirio chi yuj David, 'ay chab'schawinc mil eb' xcham yu'uj.

1 Cr 18:14

'Ix yac' David reyl 'a yib'n̈ smasnil chon̈b' Israel. Caw wach' 'ix yutj sb'eyb'al, 'ix sb'on yaj eb' yit chon̈b' 'a stojlal.

Esdras 4:13

An̈jtona', tzca'n pax ojcoc 'el mamin rey, toto a jun chon̈b' cha, 'oj b'ox chan̈ yet' smuroal, a jun tzo'n̈ 'anma cha, man̈x 'oj yac' eb' stojlb'al yet' q'uen tumn tzc'anx 'a eb', man̈x 'oj 'och q'uen tumn 'a mach tzmolni.

Esdras 4:20

A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

Esdras 6:8

An rey Darío in, an tzwal 'ayex, to tzex colwj yet' eb' israel tzjucb'tzan eb' tzb'on sjel yatut Dios. A 'a q'uen tumn tz'ajx yac' eb' 'ay 'a sc'axpil 'e't a Éufrates 'a win rey, a 'a q'uen tz'elt stojl eb' tzmunlj cha, matz 'ec' tiempo yajxi, sec wach' matz 'och wan jun munljel cha.

Nehemías 5:4

'Ay pax mach tzalni to tzc'an eb' q'uen tumn majnil, yic tzya'n eb' q'uen tumn tz'ajx yac' 'a win rey, yuj cha, tzya'n can 'at slu'um, yawben uva yuj smajnub'l q'ue'en. An̈jtona tzyaln pax eb' 'ixtic:

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

Ro 13:5

Yuj cha, yowlal tzqui yicljec tas tzyal eb' yajal. Man̈ yujocn̈ej to tzon̈ xiwc ya'n 'och eb' qui yailal, tzqui yiclniec. Palta tzqui yicljec, yujto cojquec, 'ixta tznib'j Dios.

Ro 13:7

Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.