Ro 13:4 - Chuj San Sebastian Bible

⁴ 'Ay yopiso eb' yuj Dios, yuj swach'loc eb' 'anma smasnil. Palta toto maysch'olnil tzcutjec qui b'a, smoj tzon̈ xiwc yuj eb', yujto caw yel 'ay yopiso eb' ya'n 'och yailal 'a quib'an̈. Yujto 'aych yopiso eb' yuj Dios ya'n 'och yailal 'a yib'n̈ eb' maysch'olnil tzyutj sb'a cha.

Chuj San Mateo Bible

⁴ Ayoch yopisio eb' yuj Dios, yuj svach'iloc eb' anima smasanil. Palta tato chuc scutej co b'a, smoj ton co xiv d'a eb', yujto yel ay yalan yic eb' yac'anoch yaelal d'a quib'an̈. Yujto ayoch yopisio eb' yuj Dios, yic tz'ac'jioch syaelal eb' chuc syutej sb'a yuj eb'.

Ro 13:4 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

2 Cr 19:6

'Ix yaln 'a eb' juez chi 'ixtic: Tzcham wal eyiln tas 'oj e b'o', man̈oc snib'b'en eb' 'anma 'oj e b'o', palta to a snib'b'en Jehová. A 'oj 'och eyet'oc yic 'oj e b'onc yaj jun mach.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 20:26

A junc rey caw 'ay snab'en, c'uxn tzpechl eb' maysch'olnil 'a stz'ey, tzcan eb' 'a yaln̈ yu'uj.

Pr 20:8

A yic tz'em wocn junc rey 'a sdespacho sb'eyc'ojlwi, colb'iln̈ej ton̈j tz'och q'ueln 'a junc cha, tzb'oyaj jun tu chi yuj muc'uc.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Jeremías 5:28

Caw b'a'ch eb' ya'n servil sb'a. Man̈x yalnb'ilc smaysch'olnilal eb'; matz b'o eb' yaj eb' meb'a 'unn chamnc smam, matz b'o eb' yaj eb' meb'a 'a stojlal.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Ez 25:14

An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Ro 13:6

Yuj cha, yowlal tzca'c qui tojlb'al 'a eb' 'icha tzyal ley, yujto 'aych yopiso eb' yuj Dios. Wan smunlj eb' 'a jun yopiso cha.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Josué 20:5

Toto tzsayx 'ec' jun tzmilwj chi yuj junc yican to sb'a yet' jun xcham cha, ax eb' yichm wincal jun chon̈b' cha, matz yac' eb' jun xmilwj chi 'a yol sc'ab' jun cha, yujto man̈ sc'anc sc'ojl smil jun yit 'anmal cha, may yowl pax eb'.

Josué 20:9

Atn jun tzo'n̈ chon̈b' tic si'cn 'el eb', sec ata tzcol sb'a eb' israel mto eb' chuc chon̈b'al cajn 'a scal eb'. Toto 'ay mach tzmiln junc yit 'anma'il, to man̈ sc'anc sc'ojl tzmilwji, tztac' scoln sb'a 'a junc eb' chon̈b' cha. Palta yowlal tzb'eyc'ojlax yuj eb' chon̈b' cha. Toto man̈ sc'anc sc'ojl tzmilwji, matz tac' smilx yuj junc yican jun tzcham cha.

A Sb'ab'el Carta San Pedro 2:14

Tzeyiclni pax jun tzo'n̈ xo eb' yajal, yujto 'ac'b'il yopiso eb' yuj eb' rey cha, yic tzya'n 'och eb' syailal eb' matz yiclni ley cha. Tzyaln pax eb' wach'l eb' wach' sb'eyb'al.