Ro 13:2 - Chuj San Sebastian Bible

² Yuj cha, toto 'ay mach tz'a'n owl yet' eb' yajl cha, tzyal 'el'chi, wan schichn 'och 'a tas b'ob'il yuj Dios. Yuj cha, mun tzyij cot yailal 'a yib'an̈.

Chuj San Mateo Bible

² Tato ay on̈ scac' oval yed' eb' yajal chi', syalelc'ochi to van schichonoch co c'ool d'a tas ix sb'ocan Dios. Tato icha chi' tz'aj cac'an oval yed' eb', munil scac'och yaelal d'a quib'an̈.

Ro 13:2 ပူးပေါင်းရင်းမြစ်များ

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mr 12:40

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Yuj cha, yel xo wal niwn yailal 'oj 'och 'a yib'n̈ eb', xchi Jesús.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

Ro 13:1

Yowlal yiclum tzcutjec qui b'a qui masnil 'a eb' yajal, yujto a Dios tz'a'n yopiso eb'. Q'uinloc man̈oc Dios tz'a'n yopiso eb', may junc eb' 'ay yopiso.

Ro 13:3

Yujto a eb' yajl cha, 'ay yopiso eb', sec tzxiw eb' maysch'olnil sb'eyb'al. Man̈ yujoc xiw eb' wach' sb'eyb'al 'ay yopiso eb'. Yuj cha, toto tzqui nib'jec matz on̈ xiwc yuj eb', yowlal wach' tzcutjec qui b'eyb'al yil eb'. Toto 'ixta', 'oj tzaljoc eb' quet'ec.

Ro 13:5

Yuj cha, yowlal tzqui yicljec tas tzyal eb' yajal. Man̈ yujocn̈ej to tzon̈ xiwc ya'n 'och eb' qui yailal, tzqui yiclniec. Palta tzqui yicljec, yujto cojquec, 'ixta tznib'j Dios.

Ro 9:19

Palta tecn 'ayx 'oj eyal 'ixtc 'ayin: To 'ixta', ¿tas yuj tzyal Dios to 'ay qui mulc jun? ¿Mach junc tztac' stenn 'och wan tas tznib'j Dios? tecn 'oj e chioc.

Tito 3:1

Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

Santiago 3:1

Ex wu'tac, ex wanab', comnoc man̈ niwnoc ex tzeya'ch e b'a cuywjumal. Yujto eyojtac, an̈ cuywjum on̈c tic, yel xo wal niwn 'oj qui b'eyc'ojlaxc yuj Dios.

A Sb'ab'el Carta San Pedro 2:13

Yuj e chamc'ojlal 'a Cajlil, smoj yiclum tzeyutj e b'a 'a jantcn̈ej mach 'ay yopiso yuj eb' 'anma'. Tzeyiclj tas tzyal eb' rey, eb' tz'a'n mandar smasnil.