Ro 13:13 - Chuj San Sebastian Bible

¹³ 'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

Chuj San Mateo Bible

¹³ Ichaocab' syutej sb'a eb' vach' d'a c'ualil, ichaocab' chi' scutej co b'a. Tojol scutej co b'a. Max yal co ch'eneni uq'uel an̈. Max yal tzon̈ em d'a ajmulal yed' d'a juntzan̈xo tastac chucal yed' co nivanil. Max yal scac' oval yed' junocxo quetanimail. Max yal yoch chian co c'ool d'a junocxo yuj tas ay d'ay.

Ro 13:13 ပူးပေါင်းရင်းမြစ်များ

Pr 23:20

Man̈ junc tzex 'ec' yet' eb' 'u'm 'an̈, man̈ junc tzex 'aj yet' eb' tz'ec' 'a yib'n̈ swa'i,

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

A Tas Sc'ulejnac Eb' Schecab' Jesús Hechos 2:15

¿Tom tze na'a to tzon̈ 'u'w 'an̈ on̈? Palta ma'ay. 'In tzeyila, to q'ue c'ulto ticnec.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

Gl 5:19

A eb' tzb'eylb'an stu nab'enal, caw checl yaj tas tzb'o eb'. Tzb'o eb' 'ajmulal, tzb'on eb' jun tzo'n̈ maysch'olnil yet' sniwnal. An̈j wal jun tzo'n̈ tas caw q'uixweltac tzlaj sb'o eb'.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

1 Ts 4:12

sec wach' 'ay eyel'ch 'a sat eb' comn 'anma'. Toto 'ixta tzeyutj e munlji, colb'il tzyab' e gasto.

1 Ts 5:17

Leslwan̈ec, man̈ eyactc can e leslwi.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.

1 Jn 2:6

A mach tzalni, to junn̈j yaj yet' Dios, yowlal tzb'eylb'ej sb'eyb'al Jesucristo.

2 Jn 1:4

Caw wal xjaw in tzaljc'ojlal, yic xwab'ni, to 'ay eb' one wan sb'eylb'an jun cuynb'il caw yel, 'icha yaj yaln can qui Mam Dios 'ayn̈ec.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.