Ro 12:6 - Chuj San Sebastian Bible

⁶ Chucchc copiso junjn on̈ec, a tzyala tastc tz'el 'a sc'ojl Dios tzyac' 'ayn̈ junjn on̈. Yuj cha, yowlal caw tzon̈ munlj junjn on̈ 'a copiso. A mach 'ac'b'il yopiso yaln 'el spaxti Dios, yowlal tzyal-li, a tzyala jantc tzyutj ya'n 'och sc'ojl 'a 'a.

Chuj San Mateo Bible

⁶ Ch'occh'oc copisio junjun on̈, ato syala' tastac tz'el d'a sc'ool Dios yac'an d'ayon̈. Yuj chi' yovalil tzon̈ munlaj val d'a junjun copisio chi'. A mach ac'b'il yopisio yalanel slolonel Dios, yovalil syaleli, ato syala' jantac syutej yac'anoch d'a sc'ool.

Ro 12:6 ပူးပေါင်းရင်းမြစ်များ

Mt 23:34

'Ab'ec, 'oj in checb't jun tzo'n̈ eb' schecb' Dios 'ayex, yet' eb' 'ay sjelnal 'a yic Dios, yet' eb' cuywjum. 'Ay eb' 'oj eyac' q'ue 'a spenc culus, ax scham eb' eyu'uj. 'Ay eb' 'oj e mac' 'a yol jun tzo'n̈ e capiya. 'Ay pax eb' 'oj e pech b'eyc'oc 'a junjn chon̈ab'.

Mt 25:22

Xlajw cha, 'ix c'och win chajnac chab' talento cha, 'ix yaln win 'ixtc 'a win spatron̈ cha: Mamin, a'jnac can chab' talento tic 'ayin, palta ticnec, yaj pax chab' xo yune q'uen xwac' ganar, xchi winac.

Lc 11:49

Yuj cha, yaljnac can Dios 'ixtc yuj sjelnal: 'Oj in checb't jun tzo'n̈ eb' 'oj alnc 'el in paxti 'ayex, yet' jun tzo'n̈ xo eb' in checab'. 'Ay eb' 'oj e mil chamoc. 'Ay pax eb' 'oj e pech b'eyc'oc, xchi Dios.

A Tas Sc'ulejnac Eb' Schecab' Jesús Hechos 13:1

A 'a scal eb' creyente 'a chon̈b' Antioquía, ata 'ay jun tzo'n̈ eb' tzyac' Dios yal-l spaxti', 'ayc' pax jun tzo'n̈ eb' cuywjum: atn Bernabé, yet' Simón tzcuch pax Niger, Lucio 'aj chon̈b' Cirene, Saulo, yet' pax Manaén, atn jun q'uib'nc chan̈ yet' win Herodes, win ya'jnac yajil 'a Galilea.

A Tas Sc'ulejnac Eb' Schecab' Jesús Hechos 15:32

Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

A Tas Sc'ulejnac Eb' Schecab' Jesús Hechos 2:17

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' quelmtac, 'oj in ch'ox jun tzo'n̈ tas 'a eb' 'a 'icha waychil. Ax eb' 'ichmtac 'anma', 'oj in paxtin 'a eb' 'a swayich.

A Tas Sc'ulejnac Eb' Schecab' Jesús Hechos 21:9

'Ay chan̈wn̈ yisl Felipe cha, mant 'a yichmil eb', cob'stact eb'. Tzyac' Dios yal-l eb' spaxti'.

Ro 1:11

Tzin nib'j tz'at ex wila', yic tzin colwj jac 'ayx 'a yic Dios, sec 'oj wach' 'och e te'nal ta'.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

1 Co 12:18

Palta a Dios 'ix laj b'on junjn tas 'a qui niwnalec tic 'icha tznib'ej.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

1 Co 14:24

Palta q'uinloc wan eyaln 'el spaxti Dios e masnil. Toto tz'och junc man̈ creyenteoc 'a e cal, wach'xam man̈ yojcoc tas yaj jun quiquec tic, 'oj nachjc 'el yu'uj, chajtlto 'ay smul. 'Oj sb'eyc'ojloc sb'a, yic 'oj yab'n tas tzeyal junjn ex.

1 Co 14:29

An̈jtona', toto 'ayx tzeyal-l spaxti Dios, cojxn cab' chawn̈oc, mto 'oxwn̈oc ex tzeyal-li. Ax xo e masnil, caw tzeya'ch e chicn 'a spaxti Dios chi tzalx 'ayx cha.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

1 Co 7:7

An tic, tzin na'a, to wach' matz 'och eyistzil e masnil 'icha 'in tic. Palta chucchc qui nab'en junjn on̈ yuj Dios. Yujto 'ay eb' winc yowlal tz'och yistzil, 'ay pax eb' 'ix 'ix yowlal tz'och yichmil. 'Ay pax eb' man̈ yowlaloc.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

Ef 3:5

A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

A Scarta San Pablo D'a Eb' Aj Filipos 3:15

An̈ec caw te'n on̈c xo, yowlal 'ixtc tzqui nac junjn on̈ec. Toto 'ayex, man̈ 'ixta'oc tze na'a, 'oj 'och Dios eyet'oc, sec 'oj nachjc 'el pax jun tzo'n̈ xo tic eyu'uj.

1 Ts 5:20

A eb' tz'ajx yal-l spaxti Dios 'ayex, man̈ cot eyowl 'a tas tzyal eb'.

A Schab'il Carta San Pedro 1:20

A eb' schecb' Dios pecti', 'aycto stz'ib'n can eb' 'a Ch'an̈ U'un̈, yuj tastc 'oj jawoc. Palta yowlal tzcojquejec 'eli, to may junc mach tztac' scomn aln sch'ocoj, tas tzyal 'el'ch jun tzo'n̈ tz'ib'b'il can cha.