Ro 12:21 - Chuj San Sebastian Bible

²¹ Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

Chuj San Mateo Bible

²¹ Man̈ co cha on̈ yac' ganar chucal tz'ac'jioch d'a quib'an̈. Yovalil vach' scutej co b'a, yic a on̈ scac' ganar d'a yib'an̈ juntzan̈ chucal chi'.

Ro 12:21 ပူးပေါင်းရင်းမြစ်များ

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Ro 12:20

An̈jtona tzyaln pax 'ixtc 'a Ch'an̈: Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'. 'Ixta 'oj 'aj schacb' 'el sat eb' sq'uixwi, 'icha wal to tze secc q'ue stza c'ac' caw tzn̈ilchj 'a sjolm eb', xchi 'a Ch'an̈.

Ro 13:1

Yowlal yiclum tzcutjec qui b'a qui masnil 'a eb' yajal, yujto a Dios tz'a'n yopiso eb'. Q'uinloc man̈oc Dios tz'a'n yopiso eb', may junc eb' 'ay yopiso.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.