Ro 12:20 - Chuj San Sebastian Bible

²⁰ An̈jtona tzyaln pax 'ixtc 'a Ch'an̈: Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'. 'Ixta 'oj 'aj schacb' 'el sat eb' sq'uixwi, 'icha wal to tze secc q'ue stza c'ac' caw tzn̈ilchj 'a sjolm eb', xchi 'a Ch'an̈.

Chuj San Mateo Bible

²⁰ Syalanpax icha tic d'a Slolonel chi': Tato ay svejel eb' ayoch ajc'olal d'ayex, aq'uec va eb', tato ay staquin̈tial eb', aq'uec yuq'uej a' eb'. Tato icha chi' tzeyutej e b'a d'a eb', ol chacb'oc sat eb' yuj q'uixvelal d'a eyichan̈.

Ro 12:20 ပူးပေါင်းရင်းမြစ်များ

Gn 42:25

Xlajw cha, xya'n José 'ajxoc b'ut'joc scoxtl eb' yet' 'ixm trigo cha, xya'n pax win 'ajxoc meltzjoc q'uen stumn junjn ewinac, xya'n 'ejm 'a sti scoxtl junjn eb', xya'n 'at pax tas tzc'ux eb' 'a yol b'e, 'ixta wal xyutj win eb'.

A Ch'an̈ Schab'il Libro Yic Yab'ixal Eb' Rey 6:22

—Ma'ay, man̈ 'a mil cham eb'. Ach tic, ¿tom tza mil cham eb' tzyamchj oj 'a owal? A eb' tic, 'ac' wa eb', 'ac' pax tas tzyu'j eb'. Tzlajw cha, tza'n meltzjoc eb' 'a syajlil, xchi Eliseo 'a win rey cha.

Salmos 120:4

A tas 'oj jawc 'a eyib'an̈, atn yailal 'icha junc jul-lab' tzc'anx 'a owal, caw jay, tzn̈ilchj sc'a'l 'a ye cha.

Salmos 140:10

Cot cab' stzac'ac' 'a yib'n̈ eb', 'ajx cab' 'at eb' a scal c'ac'. Julx cab' 'at eb' 'a yich junc xab' olan, 'a 'aj man̈xtzac stac' sq'uet eb'.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Lc 6:27

Palta tzwaln pax 'ayx ax tzeya'ch e chicn 'a tas tzwala: Caw tze chamc'ojlej eb' 'ajc'ojl yajch 'ayex, wach' tzeyutj e b'a 'a eb' tzchichn 'och 'ayex.

Ro 12:21

Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

A Ch'an̈ B'ab'el Libro Samuel 26:21

—David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.