Ro 12:10 - Chuj San Sebastian Bible

¹⁰ Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

Chuj San Mateo Bible

¹⁰ Sco xajanej co b'a, yujto cuc'tac canab' co b'a. Yovalil squic' emta co b'a junjun on̈, yic vach' ay quelc'och junjun on̈.

Ro 12:10 ပူးပေါင်းရင်းမြစ်များ

Gn 13:9

A smasnil jun lum tic, coln yaj lu'um, tztac' a si'lni 'aj tzach cani, yic wach' tzqui poj qui b'a. Toto tzach 'ochcn 'ixtic, an xo tzin 'elcni. Toto tzach 'elcn 'ixtc jun, an xo tzin 'ochcni, xchi Abram 'a Lot.

Job 1:4

A eb' yunnal win cha, c'aync eb' yoch q'uin̈ 'a yatut, stzol-l yec' q'uin̈ chi 'a junjn ewinac, tzyawtn pax ewin wac eb' 'ix yanb' chi yet'oc.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Jeremías 38:12

'Ix yaln win 'ixtc 'ayin: —'A'ch jun tzo'n̈ nip chi 'a yaln̈ a c'ab', sec wach' ma'oj a lajw yuj ch'an̈ lasu tic, xchi winac. Yuj cha, xin b'on 'icha 'ix yal win cha.

Mt 20:26

Palta ax tic, man̈ 'ichcta 'oj 'aj 'a e cal. Toto 'ay ex, tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal smasnil. Toto 'ixta', caw niwn eyopiso.

Lc 14:10

Palta a yic tzex 'awtx 'at cha, yel xo wach' tzex 'em wocn 'a 'aj 'ay eb' may jac yel'chi, sec wach' a yic 'oj c'och win tzex 'awtn 'at cha, ax yaln win 'ayx 'ixtic: Ex in wach'c'ojol, 'ixquec, 'at 'emn̈ec wocn 'a 'aj tz'em wocn eb' caw niwn yel'chi, 'oj schic winac. 'Ixta to b'i'an, caw niwn eyel'ch 'a sat eb' 'aych 'a te mexa cha.

Jn 15:17

Atn jun checnb'il tzwalcn 'ayx tic, to tzlaj e chamc'ojloc e b'a junjn ex.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Ro 13:7

Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Scarta San Pablo D'a Eb' Aj Colosas 1:4

Yujto xcab' eyab'xil on̈, chajtlto xeya'ch e c'ojl 'a Cristo Jesús. Tzcab'n on̈, to caw 'ay e chamc'ojlal 'a jantcn̈ej eb' yic xo Dios yaj quet'ec.

1 Ts 4:9

Man̈ yowlalc an tzwalb't 'ayex, tze chamc'ojlan eb' eyit creyenteal. Yujto caw a Dios tz'a'n nachjc 'el eyu'uj, tas tzeyutj e chamc'ojlan e b'a.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

1 Jn 4:11

Ex wu'tac, ex wanb' chamc'ojlb'il wu'uj, 'ixta on̈ yutjec Dios on̈ schamc'ojlani. Yuj cha, yowlal tzqui chamc'ojlejec qui b'a jun xo.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?