Ro 12:1 - Chuj San Sebastian Bible

¹ Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Chuj San Mateo Bible

¹ Ex vuc'tac ex vanab', ix te oc' val sc'ool Dios d'ayon̈, yuj chi' tzin tevi d'ayex to tzeyac'och e b'a d'a yol sc'ab', icha junoc silab' pitzan, icha chi' scutej co b'a cac'an servil, yujto yic on̈n̈ej, yic stzalaj sc'ool qued'oc. Ichaton val chi' smoj scutej calan co b'a d'ay.

Ro 12:1 ပူးပေါင်းရင်းမြစ်များ

Salmos 116:12

¿Tas wal 'oj wac' spacc 'a Jehová, yuj smasnil tas wach' tzb'o 'ayin?

Salmos 19:14

Mamin Jehová chab'il cab' in paxti', yet' in nab'en o'oj. In Colmal aji, o'oj colchjnacn xo ticnec.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Lc 7:47

Yuj cha, tzwal 'ayach, caw niwn schamc'ojlal jun 'ix tic, yujto caw niwn smul tz'ajx lajwoc. Palta a mach jab' wal smul tz'ajx lajwoc, jab' wal schamc'ojlal tzch'oxo, xchi 'a winac.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 15:16

A 'a'jnac wopiso wa'n servil Jesucristo 'a scal eb' man̈ israeloc. 'Ay wopiso waln 'el wach' 'ab'x yic Dios, sec wach' 'ay eb' man̈ israeloc 'oj wi'ch 'a yol sc'ab'. 'Icha junc xajmb'al caw wach' 'a sat Dios, tz'ajx 'a 'a, 'ixta eb' 'a sat, yujto a Yespíritu tz'i'n 'och eb' yico'oc.

Ro 15:30

Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:19

A jun tzo'n̈ wan waln 'at 'ayx tic, 'icha to comn 'ab'xn̈ej tzwutj walni, yujto mantzac nachj 'el wal jun tzo'n̈ cuynb'il tic eyu'uj. A 'a yic yalan̈, ca'jnaquec 'och qui niwnal ya'malc servil tu'al, yet' maysch'olnil. Yuj cha, caw maysch'olnil cutjnaquec qui b'a ta'. Ax ticnec, yowlal 'ixta tzcutjec ca'n 'och qui niwnal tic ya'malc servil wach'il, sec wach' cojxn Dios 'aj tzca'c 'och qui nab'en.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ef 5:10

Cuyc wal e b'a 'a jun tzo'n̈ tas caw wach' 'a sat Dios.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

1 Ts 4:10

'In 'ixta wan eyutn e chamc'ojlan smasnil eb' eyit creyenteal 'a yol yic Macedonia. Palta ex wu'tac, ex wanab', tzon̈ tew 'at 'ayx on̈, sec tzwach' niwtj e chamc'ojlal ta'.

1 Ts 5:12

Ex wu'tac, ex wanab', 'ay eb' tzmunlj 'a e cal yuj Cajlilec, wan ex ya'n cuenta eb', wan swach' 'a'n eb' e nab'enoc. Tzon̈ tew 'at 'ayx on̈, nachj cab' 'el eyu'uj, to 'ay yopiso eb' yuj Dios.

1 Ti 2:3

Toto 'ixtc tzcutj qui b'a, caw wach' 'a sat Dios qui Colmal. Caw tzalj quet'oc.

1 Ti 5:4

Toto 'ay eb' 'ix 'ay yune', mto 'ay yixchiquin, yowlal tza cuy eb', chajtlto a eb' scuenta sb'ab'l colwj 'a smam snun, yic tzya'n eb' spac tas 'ix 'ajx 'a 'a. Toto 'ixta tzb'o eb', ax 'a sat Dios, caw wach'. Caw tzalj yet' eb'.

Filemón 1:10

Tic tzin tew 'aych yuj Onésimo. 'Icha to wunnal x'aji, yujto schaj Cristo wuj 'a yol preso tic.

Filemón 1:9

Palta man̈toc tzach wac' mandar. Ton̈j tzin tew 'ayach, sec 'oj checljoc a chamc'ojlal. Yujto an Pablo in tic, 'ichm in xo. A ticnec, preso waji, yujto tzwa'ch in nab'en 'a Cristo Jesús.

A Ch'an̈ Carta D'a Eb' Hebreo 13:22

Ex wu'tac, ex wanab', tzin tew 'at 'ayex, caw niwn tzeyutj e c'ojl 'a jun tzo'n̈ paxti tzwalb't 'ayx tic, yic tzwa'n e nab'enoc. Janc'n̈ej tas tzwalb't 'ayx 'a jun in carta tic.

A Sb'ab'el Carta San Pedro 2:20

Q'uinloc tz'ajx 'och junc yailal 'a quib'n̈ yuj junc maysch'olnil tzqui b'o'o. ¿Tom yujn̈ej tzca'c techjoc jun yailal cha, smoj tzon̈ alx wach'il? Caw ma'ay. Palta q'uinloc ton̈j tzcomn 'ajx 'och qui yailal yuj junc tas wach' tzqui b'o'o. Toto tzca'c techjoc jun yailal cha, atn jun chi caw wach' 'a sat Dios.