Ro 11:32 - Chuj San Sebastian Bible

³² A 'a sat Dios, man̈ on̈ yiclumoc qui masnil an̈ 'anman̈ec tic. 'Ixta 'on̈ yutjec, sec wach' jun lajnn̈ej tzyutj yo'ch sc'ojl 'ayn̈ec qui masnil.

Chuj San Mateo Bible

³² A d'a yichan̈ Dios, max co c'anab'ajejlaj co masanil a on̈ anima on̈ tic. Icha chi' ix on̈ yutej, yic vach' jun lajann̈ej tz'aj yoc' sc'ol d'ayon̈ co masanil.

Ro 11:32 ပူးပေါင်းရင်းမြစ်များ

Jn 1:7

A wul ya'jnac testigoal sb'a yuj jun sacq'uinl cha, sec wach' tzann̈j mach tztac' ya'n 'och sc'ojl 'a jun sacq'uinl cha.

Jn 12:32

Aln tic, a yic 'oj wajx q'ue'i, 'oj wi' cot smasnil 'anma 'ayin, xchi Jesús.

Ro 11:31

Yel toni, man̈ yiclumoc eb' israel ticnec. Palta 'ixta tz'aj eb', sec 'oj 'o'ch pax sc'ojl Dios 'a eb', 'icha tzyutj yo'ch sc'ojl 'ayex.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

Ro 5:19

Yuj jun winc ma'ix yiclni cha, c'uxn 'ochnc eb' 'anma 'ajmulal. Palta 'ay junx mach 'ix yiclni. Yuj jun cha, til wal on̈ec tzon̈ laj 'ochc wach'l 'a sat Dios.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Gl 3:23

A 'a yic mantzac jaw jun mach 'aj tzca'c 'och qui c'ojol, 'ayn̈ect 'ec' 'a yol sc'ab' jun ley cha. 'Icha to yamb'iln̈ec yu'uj, masnto xcheclj 'el jun 'aj tzca'c 'och qui c'ojl cha.