Ro 11:21 - Chuj San Sebastian Bible

²¹ 'In ma'ix yac' Dios niwnc'ojlal 'a eb' yic xoni. An̈jtona', 'ixta ex paxi, ma'oj yac' pax niwnc'ojlal 'ayx jun xo, toto tzeyij 'el e nab'en 'a 'a.

Chuj San Mateo Bible

²¹ Tato maj yac'laj nivanc'olal Dios d'a yib'an̈ eb' icha sc'ab' te' yaji, ocxom ex pax tic, ¿tom ol ex yac' nivanc'olal tato tzeyiq'uel e b'a d'ay?

Ro 11:21 ပူးပေါင်းရင်းမြစ်များ

Jeremías 25:29

Tic wal tzin chaj 'el yich wa'n 'at yailal 'a yib'n̈ jun chon̈b' to wic yaji. ¿Am wal tze na ax tic, to ma'oj wa' cot yailal 'a eyib'an̈? An Jehová in, an tzwala, to a jun yailal cha, yowlal 'oj jawcn̈ej 'a eyib'an̈, yujto 'oj wa' cot owl 'a yib'n̈ smasnil eb' cajn 'a sat lum lum tic, xchi Dios, xa chi 'a eb'.

Jeremías 49:12

'Ix yaln Jehová 'ixtic: 'Ay eb' man̈ smojc yab'n syail, a ticnec, yowlal 'oj yab' eb' syal yuj yowl in c'ojol, 'icha to 'oj yuc' eb' yal uva jawnc sti'. Ax xo ax tic, ¿tom ma'oj eyab' syal e nani? Yowlal 'oj eyab' syal yuj yowl in c'ojol.

Ro 11:17

Palta 'ay eb' wit israelal 'elnc 'a yol sc'ab' Dios. 'Icha junc sc'ab' te olivo tzu'x 'el 'a snun, 'ixta 'ajnc eb' yeli. Ax xo, 'icha sc'ab' junc te olivo mun pa'nac, 'ixta 'ex, yujto man̈ ex israeloc. Palta 'icha to ex c'on̈x can 'och sjelc eb' 'a jun sc'ab' 'aj tzuc'b'il 'elt 'a snun cha, yujto 'ay eyaln eyic yet' eb' qui mam quichm an̈ israel on̈ tic on̈.

Ro 11:19

Tecn 'ayx 'oj eyal 'ixtic: A eb' israel cha, 'icha to tzuc'b'il 'el eb' 'a snun, sec wach' an̈ec xo tzon̈ 'ochx can pax sjelc eb', tecn 'oj e chioc.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ro 11:22

Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.