Ro 11:2 - Chuj San Sebastian Bible

² Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Chuj San Mateo Bible

² Atax d'a peca', a Dios ic'jinac och eb' israel yicoc. Axo ticnaic, man̈ ol spatiquej el-laj eb'. Cojtac yab'ixal vin̈aj Elías d'a Slolonel Dios. A junel ix lesalvi vin̈ d'a Dios, ix yalan vin̈ tas smul eb' yetchon̈ab' israel chi', ix yalan vin̈:

Ro 11:2 ပူးပေါင်းရင်းမြစ်များ

Gn 44:15

Xyaln José 'a ewin 'ixtic: —¿Tas yuj 'ixta xeyutj e b'a? ¿Tom man̈ eyojcoc to a junc winc 'ay yopiso 'icha 'in tic, to tztac' snachj 'el junc tas yu'uj? xchi 'a eb'.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Salmos 94:14

Ma'oj actc can eb' a chon̈b' tic sch'ocoj.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Jeremías 31:37

An Jehová in, an tzwala to may b'a'n̈ 'oj 'echtaxc satcha'an̈. May b'a'n̈ 'oj 'ojcaxc 'el yich lum lum tic. An̈jtona chon̈b' Israel tic, may b'a'n̈ 'oj in patquilc can 'el eb' yuj tas tzb'o'o. An Jehová in, an tzwala, 'icha satcha'an̈ may b'a'n̈ tztac' yechtaxi mto 'icha xab'l yich lum lu'um, may b'a'n̈ 'oj 'ojcaxc 'eli, 'ixta waj yet' chon̈b' Israel tic, may b'a'n̈ 'oj in patquilc can 'el eb' yuj tas tzb'o'o.

Nm 16:15

Yuj cha, 'ix cot yowl Moisés, 'ix yaln 'ixtc 'a Jehová: —Man̈ a cha yofrenda jun tzo'n̈ winc cha. An tic may tzwutj ewinac, may 'aj xwij 'ec' junc sb'uru ewinac, xchi.

Mr 12:26

Palta toxnto checl xon yaji, to 'oj pitzwc pax eb' chamnac. ¿Tom mant 'a 'aj xeyila tas stz'ib'jnac can Moisés 'a Ch'an̈ U'un̈, yic spaxtin Dios 'a scal te q'ui'ix yic yaln 'ixtic: An ton tic sDiosal in Abraham, Isaac, yet' Jacob? xchi.

Lc 4:1

A Jesús caw 'aych Yespíritu Dios 'a 'a, 'ix 'atx 'a a niwn a Jordán. 'Ix 'ijx 'at yuj Yespíritu Dios chi 'a jun lum cusltac lu'um.

Jn 4:11

—Ach winac, 'in may a lechlab' tzac' lechnc q'uet a'. Caw xab' yaj 'ejm a'. ¿'Ajm til 'oj ec' jun a 'oj ac' 'a'nc in q'uinl cha?

A Tas Sc'ulejnac Eb' Schecab' Jesús Hechos 13:48

Ax eb' man̈ israeloc, caw stzalj eb' yab'n jun tzo'n̈ tic. 'Ix syamn 'och eb' yalni, to caw wach' spaxti Cajlil. Ax eb' sic'b'il xon 'el yuj Dios, yic 'oj scha eb' sq'uinl 'a jun 'ejmn̈ej, 'ix ya'ch eb' sc'ojl 'a 'a.

A Tas Sc'ulejnac Eb' Schecab' Jesús Hechos 15:18

'Ixta yutjnac Cajlil yalni, atn 'a'jnac cojcoc 'el jun tzo'n̈ tic, yictax pecti', xchi 'a Ch'an̈.

A Tas Sc'ulejnac Eb' Schecab' Jesús Hechos 3:17

Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac.

A Tas Sc'ulejnac Eb' Schecab' Jesús Hechos 7:40

'Ix yaln eb' 'a Aarón 'ixtic: Tza b'o jun tzo'n̈ qui diosalec. Tzqui nib'j b'ab'l s'at 'a qui satec, yujto a win Moisés, win on̈ 'i'nec 'elt 'a Egipto, man̈ cojcoc, tas 'ix 'i'ni, xchi eb'.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Ro 9:6

Wach'xam matz colchj eb' wit israelal smasnil, palta matz tac' calnec, to ma'ix 'el'ch jun tzo'n̈ tas 'aj ya'jnac can Dios sti 'a eb'. Yujto a eb' yin̈tl Israel cha, man̈ smasnilc eb' yel israel 'a sat Dios.

1 Co 6:2

¿Tom mant eyojcoc, to an̈ec yic on̈c xo Dios tic, an̈ec 'oj cochc yajlil 'a yib'n̈ eb' yic yolyib'n̈q'uinl tic? Yuj cha, smoj an̈ec tzqui b'oc yaj jun tzo'n̈ mayn̈ej wal yel'ch tic.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

A Scarta San Pablo D'a Eb' Aj Filipos 1:22

Toto an̈ja pitzn in 'a yolyib'n̈q'uinl tic jac xo, tzta'n̈j in munlj jacx 'a Cajlilec. Palta ¿'ajm 'ay junc yel xo wach'?

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.